मुक्त विद्यापीठाचा आज ऑनलाइन दीक्षांत सोहळा

नाशिक : यशवंतराव चव्हाण महाराष्ट्र मुक्त विद्यापीठाचा २६ वा दीक्षांत समारंभ येत्या मंगळवारी (दि.२) ऑनलाइन पद्धतीने आयोजित करण्यात आला आहे. राज्यपाल तथा कुलपती भगतसिंह कोश्यारी यांच्या अध्यक्षतेखाली होणाऱ्या या दीक्षांत सोहळ्यास उच्च व तंत्रशिक्षण मंत्री उदय सामंत यांची ऑनलाइनच्या माध्यमातून प्रमुख उपस्थिती लाभणार असल्याची माहिती कुलगुरू प्रा. ई. वायुनंदन व कुलसचिव डॉ. दिनेश भोंडे यांनी दिली.

ठळक मुद्दे५२ स्नातकांना सुवर्णपदक : कोश्यारी, सामंत ऑनलाइन उपस्थित राहणार

नाशिक : यशवंतराव चव्हाण महाराष्ट्र मुक्त विद्यापीठाचा २६ वा दीक्षांत समारंभ येत्या मंगळवारी (दि.२) ऑनलाइन पद्धतीने आयोजित करण्यात आला आहे. राज्यपाल तथा कुलपती भगतसिंह कोश्यारी यांच्या अध्यक्षतेखाली होणाऱ्या या दीक्षांत सोहळ्यास उच्च व तंत्रशिक्षण मंत्री उदय सामंत यांची ऑनलाइनच्या माध्यमातून प्रमुख उपस्थिती लाभणार असल्याची माहिती कुलगुरू प्रा. ई. वायुनंदन व कुलसचिव डॉ. दिनेश भोंडे यांनी दिली.

कोविड -१९ च्या पार्श्वभूमीवर ऑनलाइन पद्धतीने होणाऱ्या या दीक्षांत सोहळ्यात २०१९ व २०२० या दोन वर्षांत विविध विद्याशाखांतील स्नातकांना पदविका, पदव्युत्तर पदविका, पदवी, पदव्युत्तर पदवी, एम.फिल, पीएच.डी. प्रदान करण्यात येणार आहे. यात २०१९ व २०२० या दोन वर्षांतील एकूण पदव्यांची संख्या दोन लाख ९३ हजार ८५२ असून, त्यात पदविकाधारक ४२६१२, पदव्युत्तर पदविकाधारक ११४, पदवीधारक २ लाख १५ हजार २६९, पदव्युत्तर पदवीधारक ३५ हजार ८४९ विद्यार्थ्यांचा समावेश आहे. एकूण दोन्ही वर्षांमिळून ५२ स्नातकांना सुवर्णपदकाने सन्मानित करण्यात येणार असल्याची माहिती परीक्षा नियंत्रक शशिकांत ठाकरे यांनी दिली आहे.