ओझरला आढळले ५ कोरोनाबाधित रुग्ण
By लोकमत न्यूज नेटवर्क | Published: November 18, 2021 01:00 AM2021-11-18T01:00:42+5:302021-11-18T01:01:00+5:30
ओझरसह परिसरात कोरोनाबाधितांची संख्या गेले अनेक दिवस शून्यावर होती. त्यामुळे ओझरकरांना दिलासा मिळत असतानाच गेल्या चार-पाच दिवसांपासून पुन्हा रूग्ण आढळत आहेत. बुधवारी (दि.१७) ओझरसह परिसरात ५ कोरोनाबाधित रुग्ण आढळले आहेत.
ओझरला आढळले ५ कोरोनाबाधित रुग्ण
Next ओझरटाऊनशिप : ओझरसह परिसरात कोरोनाबाधितांची संख्या गेले अनेक दिवस शून्यावर होती. त्यामुळे ओझरकरांना दिलासा मिळत असतानाच गेल्या चार-पाच दिवसांपासून पुन्हा रूग्ण आढळत आहेत. बुधवारी (दि.१७) ओझरसह परिसरात ५ कोरोनाबाधित रुग्ण आढळले आहेत. रुग्णसंख्या वाढत असल्याने नागरिकांमध्ये भीतीचे वातावरण निर्माण झाले आहे.
ओझर परिसरातील ५ रुग्णांचा अहवाल आज कोरोनाबाधित आला आहे. त्यामुळे ओझरसह परिसरातील कोरोनाबाधित रुग्णसंख्या आतापर्यंत ४७९९ झाली आहे. त्यापैकी १०४ कोरोनाबाधितांचा मृत्यू झाला आहे. ४६७३ रुग्ण बरे झाले असून, २२ रुग्णांवर उपचार सुरू आहेत. दरम्यान, कोरोनाबाधित रुग्ण आढळल्यानंतर त्याच्या घराजवळ कंटेन्मेंट झोनचा फलक लावावा, अशी मागणी नागरिकांनी केली आहे.