लासलगावी राष्ट्रीय स्वयंसेवक संघाचे पथसंचलन

मान्यवरांच्या हस्ते विधीवत शस्त्रपूजन

ठळक मुद्दे प्रमुख पाहुणे म्हणून आंतरराष्ट्रीय रोर्इंग खेळाडू दत्तू भोकनळ तर प्रमुख वक्ते म्हणून नाशिक विभाग प्रचारक रोहित रिसबुड उपस्थित होते.

लासलगाव : विजयादशमीनिमित्त लासलगावी राष्ट्रीय स्वयंसेवक संघाच्यावतीने संचलन करण्यात आले. यावेळी शिवकमल मंगल कार्यालय येथे विधीवत शस्त्रपूजन करण्यात आले.
सकाळी नऊ वाजता हनुमान मंदिर रेल्वे स्टेशन येथून संचलनास सुरवात झाली. मेनरोड, बाजार तळ, शिंपी गल्ली, पाटील गल्ली, झेंडा चौक, शिवाजी महाराज चौक मार्गे शिवकमल मंगल कार्यालय येथे संचलनाचा समारोप करण्यात आला. यामध्ये १५० स्वयंसेवक सहभागी झाले होते. मान्यवरांच्या उपस्थितीत विधीवत शस्त्र पूजन करण्यात आले. या प्रसंगी प्रमुख पाहुणे म्हणून आंतरराष्ट्रीय रोर्इंग खेळाडू दत्तू भोकनळ तर प्रमुख वक्ते म्हणून नाशिक विभाग प्रचारक रोहित रिसबुड उपस्थित होते.
नव्वदहून अधिक वर्षांपासून राष्ट्रीय स्वयंसेवक संघाची दसऱ्याच्या दिवशी शिस्तबद्ध पथसंचलनाची परंपरा आहे.लासलगाव शहरातही घोषाच्या तालावर, शिस्तबद्ध संचलन करण्यात आले. मुख्य रस्त्यावर संचलन बघण्यासाठी नागरिकांची गर्दी झाली होती. कार्यक्र म यशस्वीतेसाठी लासलगाव येथील सर्व शाखेतल्या स्वयंसेवकानी विशेष परिश्रम घेतले.