पीकअप-मारुती कारची समोरासमोर धडक; एक ठार

पीकअप-मारुती कारची समोरासमोर धडक; एक ठार

 

निफाड : कोळपेवाडीहून विंचूरमार्गे नाशिककडे येणाऱ्या मारुती कारला महिंद्रच्या पीकअप वाहनाने समोरासमोर दिलेल्या धडकेत एकाचा मृत्यू झाल्याची घटना रविवारी सकाळी घडली.या प्रकरणी निफाड पोलीस ठाण्यात अपघाताची नोंद करण्यात आली आहे़
याबाबत निफाड पोलिसांनी दिलेल्या माहितीनुसार, नैताळेजवळील सबस्टेशनसमोर सद्यस्थितीत एकाच बाजूचा मार्ग वाहनांसाठी खुला आहे़ कोपरगाव तालुक्यातील बबन नामदेव कोळपे (४५) हे रविवारी सकाळी आपल्या तीन-चार नातेवाइकांना घेऊन मारुती-८०० कारने (क्र. एमएच १५, एएच-९०६९) नाशिककडे निघाले़ सकाळी साडेअकरा वाजेच्या सुमारास सबस्टेशनसमोरील वन-वेने येत असताना, समोरून येणारे पीकअप वाहन (क्र. एमएच १५, सीके ७४२५) व मारुती कार यांच्यात समोरासमोर धडक झाली़
या धडकेत मारुती कारमध्ये बसलेले बबन कोळपे यांच्या डोक्यास गंभीर मार लागला, तर उर्वरित किरकोळ जखमी झाले़ बबन कोळपे यांना त्यांचे भाऊ जनार्दन कोळपे यांनी उपचारासाठी जिल्हा शासकीय रुग्णालयात दाखल केले असता वैद्यकीय अधिकाऱ्यांनी तपासून मयत घोषित केले़ दरम्यान, या प्रकरणी
निफाड पोलीस ठाण्यात अपघाताची नोंद करण्यात आली आहे़ (प्रतिनिधी)