पोलीस उपआयुक्त डहाणे, गिते यांची बदली

पोलीस उपआयुक्त डहाणे, गिते यांची बदली

नाशिक : गृह विभागाने पोलीस अधीक्षक व पोलीस उपआयुक्त या असंवर्गातील पदावर पदोन्नती देण्यासाठी तयार करण्यात आलेल्या २०१४-१५ च्या निवडसूचीमध्ये समाविष्ट करण्यात आलेले पोलीस उपअधीक्षक / सहायक पोलीस आयुक्त (निश:स्त्र) दर्जाच्या ३२ अधिकाऱ्यांची बदली केली आहे़ त्यामध्ये पोलीस अकादमीतील पोलीस अधीक्षक पंकज दिलीपराव डहाणे व पोलीस उपअधीक्षक अपर्णा सुधाकर गिते यांचा समावेश आहे़ डहाणे यांची पुणे शहर पोलीस उपआयुक्तपदी, तर गिते यांची पदोन्नतीने सोलापूर शहर पोलीस उपआयुक्तपदी बदली झाली आहे़ पोलीस आयुक्तालयात डहाणे हे सहायक पोलीस आयुक्तपदी रुजू झाले होते़ त्यानंतर पोलीस उपआयुक्तपदी बढती मिळाल्यानंतर महाराष्ट्र पोलीस अकादमीत त्यांची पोलीस अधीक्षकपदी बदली झाली होती़ मात्र, त्यांच्या कार्यकाळात सिंहस्थाचे नियोजन झाले असल्याने सिंहस्थ अधिकारी म्हणून पोलीस आयुक्तालयात नियुक्ती देण्यात आली होती़ (प्रतिनिधी)
जेलरोड परिसरातून दुचाकी लंपास
नाशिक : संत ज्ञानेश्वरनगर येथील रहिवासी ललित निरड यांची २० हजार रुपये किमतीची दुचाकी (एमएच १५, एटी ८०६) जेलरोड परिसरातून चोरट्यांनी चोरून नेली़ या प्रकरणी पोलिसांनी गुन्हा दाखल केला आहे़