चिंतामणी कॉलनीत सीसीटीव्हीचे संरक्षण

चिंतामणी कॉलनी नागरिकांच्या मागणीनुसार परिसरात सहा सीसीटीव्ही बसविण्यात आले. युनिक ग्रुपचे संस्थापक अध्यक्ष सतीश सोनवणे यांनी स्वखर्चाने सीसीटीव्ही बसविण्याची योजना राबवली आहे. चिंतामणी कॉलनी येथे सीसीटीव्ही लोकार्पण प्रसंगी अनिकेत सोनवणे, विजय भावे, अलका भांडारकर, सिंधु चौधरी, जयश्री भावे, चेतना पाटील, सुनंदा भालेराव, रोहित परब, किशोर शिरसाठ सुधाकर गायधनीसह नागरिक उपस्थित होते.

प्रभाग भयमुक्त करण्यासाठी सीसीटीव्ही बसविले असून, त्यामुळे प्रभाग ९८ टक्के सीसीटीव्हीच्या नजरेखाली आला आहे. परिसरात ५८ सीसीटीव्ही असल्याने अनेक गुन्हे उघडकीस मदतच झाली असल्याचे नगरसेवक सतीश सोनवणे यांनी सांगितले.

भगवती चौक, राणे नगर चौफुली, लालबाग चौक, पांडव नगरी, कैलास नगर बस थांबा, कमोदनगर, चार्वाक चौक, राजीव टाउनशिप, आयटीआय कॉलनी, नगरसेवक संपर्क कार्यालय परिसर या ठिकाणी सीसीटीव्ही बसविण्यात आले.