अल्पवयीन मुलीवर आईच्या प्रियकराकडून बलात्कार

एक घटस्फोटित महिला दुसऱ्या लग्नानंतर पतीपासून विभक्त झाली. तिच्यासोबत ‘लिव्ह इन रिलेशनशिप’मध्ये राहणाऱ्या प्रियकराने पहिल्या पतीपासून झालेल्या तिच्या अल्पवयीन मुलीवर सलग चार महिने शारीरिक अनैसर्गिक अत्याचार केल्याची धक्कादायक घटना उघडकीस आली. याप्रकरणी मुंबई नाका पोलिसांनी बजरंग वाडीतून मूळचा परभणी येथील रहिवासी असलेल्या संशयित शिवाजी साळवे (३०) याला अटक केली.

ठळक मुद्देधक्कादायक : ‘लिव्ह इन रिलेशनशिप’मध्ये राहत केले कृत्य

नाशिक : एक घटस्फोटित महिला दुसऱ्या लग्नानंतर पतीपासून विभक्त झाली. तिच्यासोबत ‘लिव्ह इन रिलेशनशिप’मध्ये राहणाऱ्या प्रियकराने पहिल्या पतीपासून झालेल्या तिच्या अल्पवयीन मुलीवर सलग चार महिने शारीरिक अनैसर्गिक अत्याचार केल्याची धक्कादायक घटना उघडकीस आली. याप्रकरणी मुंबई नाका पोलिसांनी बजरंग वाडीतून मूळचा परभणी येथील रहिवासी असलेल्या संशयित शिवाजी साळवे (३०) याला अटक केली.

पोलीससूत्रानुसार, २८ वर्षीय विवाहित महिला मूळ परभणी जिल्ह्यातील जिंतूर येथील रहिवासी आहे. तिला पहिल्या पतीपासून ११ वर्षांची मुलगी असून, पहिल्या पतीचे निधन झाल्यानंतर महिलेने दुसऱ्या पुरुषासोबत विवाह केला. त्याच्यापासून तिला दोन मुले झाली. दरम्यान, दोघांमध्ये कौटुंबिक कलह वाढू लागल्याने तिने विभक्त राहत घटस्फोटासाठी न्यायालयात अर्ज दाखल केला. दीड वर्षांपासून महिला विभक्त राहत आहे. घटस्फोट प्रकरण न्यायप्रविष्ट असताना ती तिसऱ्या पुरुषासोबत ‘लिव्ह इन रिलेशनशिप’मध्ये नाशिक येथे राहू लागली. आपल्या मुलांच्या उदरनिर्वाहसाठी तिने धुणीभांडीची कामे सुरू केली. जेव्हा महिला कामावर जात असे, तेव्हा तिचा प्रियकर तिच्या ११ वर्षांच्या अल्पवयीन मुलीवर लैंगिक अत्याचार करत होता, असे फिर्यादीत म्हटले आहे. पोलिसांनी साळवे याला अटक करून न्यायालयात हजर केले असता न्यायालयाने पोलीस कोठडी सुनावली.

--इन्फो--

मुलांसोबतही अनैसर्गिक कृत्य

फिर्यादी महिलेच्या लहान मुलांसोबतदेखील साळवे हा अनैसर्गिक अत्याचार करत त्यांचे मोबाईलद्वारे व्हिडिओ तयार करत होता, असेही फिर्यादीत म्हटले आहे. याप्रकरणी मुंबई नाका पोलीस ठाण्यात बलात्कार, अनैसर्गिक अत्याचार व पोस्को कायद्यान्वये त्याच्याविरुद्ध गुन्हा दाखल करण्यात आला आहे. पुढील तपास पोलीस उपनिरीक्षक चेतन श्रीवंत हे करीत आहेत.