विद्युत पुरवठा करणाऱ्या रोहित्रास आग

देवळाली कॅम्प : शिगवे बहुला येथील विद्युत पुरवठा करणाऱ्या डिपीस मंगळवारीशॉर्टसर्कीटमुळे लागलेली आग ग्रामस्थांनी लागलीच विझविल्याने मोठा अनर्थ टळला.

लोकमत न्यूज नेटवर्क
देवळाली कॅम्प : शिगवे बहुला येथील विद्युत पुरवठा करणाऱ्या डिपीस मंगळवारी सायंकाळी शॉर्टसर्कीटमुळे लागलेली आग ग्रामस्थांनी लागलीच विझविल्याने मोठा अनर्थ टळला.
मारूती मंदिराशेजारी मुख्य विद्युत वाहिनीची डिपी असून मंगळवारी सायंकाळी ८ वाजेच्या सुमारास या डिपीमधुन आगीचे लोळ बाहेर पडू लागले. जवळच असलेल्या ग्रीन जिममध्ये खेळत असलेल्या मुलांना डिपीला आग लागल्याचे लक्षात येताच त्यांनी ग्रामस्थांना गोळा केले. महावितरण व छावणी परिषद बोर्डाच्या अग्निशामक विभागाला तत्काळ डिपीला आग लागल्याचे कळविण्यात आले; मात्र तोपर्यंत आगीने मोठे रूप धारण केले होते.