जायखेड्यात सहस्र अथर्वशीर्ष आवर्तन

जायखेड्यात सहस्र अथर्वशीर्ष आवर्तन

जायखेडा : येथील वाणी मंगल कार्यालयात गणेश जयंतीच्या निमित्ताने संगीतमय सहस्र अथर्वशीर्ष आवर्तन सोहळा भक्तीमय वातावरणात संपन्न झाला. यावेळी विविध धार्मिक कार्यक्र मांचे आयोजन करण्यात आले होते.
जायखेडा येथील ब्रह्मवृंद वेदशास्त्री प्रसाद चंद्रात्रे यांच्या मार्गदर्शनाने या कार्यक्र माचे आयोजन करण्यात आले होते.
या सोहळ्यात ३५ ते ४० जोडप्यांनी सहभाग घेतला होता. कार्यक्रमात गणपती दुग्धाभिषेक, गणपती पुण्याहवाचन, गणपती अथर्वशीर्ष, एक हजार आवर्तने यांसह विविध धार्मिक कार्यक्रम संपन्न झाले.
नैसिर्गक आपत्ती थांबून सुबत्ता यावी, सफल मनोकामना पूर्ण व्हावी, सर्वाना सुखशांती आरोग्य धनसंपदा लाभावी यासाठी या सोहळ्याचे आयोजन करण्यात आले
होते.
तालुक्यातील विविध ठिकाणांहून आलेले ब्रह्मवृंद वेदशास्त्री संजय चंद्रात्रे, पुरुषोत्तम शुक्ल, प्रसाद चंद्रात्रे, गणेश मुळे, लौकिक जोशी, सोमनाथ ब्राह्मणकर आदिंनी यावेळी मार्गदर्शन केले. गणेश आराधना, आरती व नैवेद्याने या सोहळ्याची सांगता करण्यात आली. (वार्ताहर)