उद्यानातील चंदन वृक्षाची तोड

दिंडोरी रोडवरील तलाठी कॉलनीतील शिवनगर उद्यानात महापालिकेने लावलेल्या चंदन वृक्षाची तोड करून त्यातील खोड चोरट्यांनी चोरून नेल्याची घटना शनिवारी (दि.१०) रात्रीच्या सुमारास घडली़

पंचवटी : दिंडोरी रोडवरील तलाठी कॉलनीतील शिवनगर उद्यानात महापालिकेने लावलेल्या चंदन वृक्षाची तोड करून त्यातील खोड चोरट्यांनी चोरून नेल्याची घटना शनिवारी (दि.१०) रात्रीच्या सुमारास घडली़ मनपाच्या उद्यानात लावलेले चंदन वृक्षाची चोरी झाली आहे.
पोलिसांनी दिलेल्या माहितीनुसार तलाठी कॉलनीतील शिवनगर भागात मनपाचे उद्यान आहे़ या उद्यानात काही वर्षांपूर्वी चंदन वृक्ष लावलेले होते. शनिवारी रात्रीच्या सुमारास चोरट्यांनी हे चंदन वृक्ष कापून नेले. हा प्रकार परिसरातील नागरिकांच्या निदर्शनास येताच त्यांनी तत्काळ नगरसेवक जगदीश पाटील यांना माहिती दिली त्यानंतर पाटील यांनी उद्यान विभागाच्या अधिकाऱ्यांना माहिती देत घटनास्थळी धाव घेत पाहणी केली.
गणेशवाडीत दुचाकी जाळली
नाशिक : पंचवटीतील गणेशवाडीत दोघा अल्पवयीन संशयितांनी दुचाकी जाळून नुकसान केल्याची घटना शनिवारी (दि़१०) घडली़
गजानन चवतमोल (रा़ साईबाबा मंदिरासमोर, गणेशवाडी) यांनी पंचवटी पोलिसांत दिलेल्या फिर्यादीनुसार साईनाथ सदावर्ते यांच्या मालकीची दुचाकी (एमएच १५, बीएच ७०८६) घराजवळील दोघा अल्पवयीन संशयितांनी रात्रीच्या सुमारास आग लावून नुकसान केले़