खडसे कुटुंबियांकडून सप्तशृंगीचे दर्शन

खडसे कुटुंबियांकडून सप्तशृंगीचे दर्शन

 सप्तशृंगगड : भाजपाचे ज्येष्ठ नेते आमदार एकनाथ खडसे यांनी कुटूंबासह गुरूवारी सप्तशृंगी देवीचे दर्शन घेतले. पाचशे नारळ फोडण्याच्या नवसपुर्तीसाठी ते दर्शनाला आले होते . त्यांच्या हातून पहील्यापायरी जवळ मानाच्या पाच पायऱ्यांवर नारळ फोडण्यात आले . यावेळी ‘नाथा भाऊ तुम आगे बढो हम तुम्हारे साथ है’ च्या घोषणा भाजपाच्या कार्यकर्त्यांनी दिल्या. खडसे यांनी देवीचे सपत्निक दर्शन घेऊन देवीची आरती केली.
दर्शन केल्यानंतर पत्रकारांशी बोलताना खडसे म्हणाले की, आपण मंत्री असताना पर्यटन विकासच्या माध्यमातून गडावर छोटी छोटी धरणे बांधली. तसेच छगन भुजबळ पालकमंत्री असताना सप्तश्रृंगगडावरील परिसर सुजलाम सुफलाम होण्यासाठी प्रयत्न केले. तसेच आम्ही सुद्धा सरकारच्या माध्यमातून या परिसराचा विकास करणार आहोत असे सांगत भगवतीला साकडे घातले की परतीचा
पाऊस जोरदार होऊ दे व सर्व शेतकरी व कष्टकरी सुखी होऊ दे असे सांगितले.
यावेळी भाजपाचे जिल्हाध्यक्ष विकास देशमुख, राधेश्याम दुबे यांनी खडसेंचा सत्कार केला. या वेळी ,आमदार देवयांनी फरांदे , ग्रामीण जिल्हा अध्यक्ष दादा जाधव सप्तशृंगगड तालुका उपअध्यक्ष विनायक दुबे, शहराध्यक्ष प्रकाश कडवे, रमेश पवार, डॉ.बच्छाव ,कानडे भालचंद्र, गोविंद कोठावदे ,हितेश दुबे, ग्रामपंचायत सदस्य राजेश गवळी, गणेश बर्ड ,संदीप बेनके आदी कार्यकर्ते उपस्थित होते.