'माझ्याशी बोलायचे नाही का' म्हणत मैत्रिणीवर ब्लेडने केले वार अन् स्वत:ही झाला जखमी

कॅनॉलरोडवरील एका झोपडपट्टीतील अल्पवयीन मुलीला तिच्या ओळखीच्या मित्राने ‘तुला माझ्याशी बोलायचे नाही का’ अशी विचारणा करत ब्लेडने वार केल्याची घटना घडली.

नाशिक : कॅनॉलरोडवरील एका झोपडपट्टीतील अल्पवयीन मुलीला तिच्या ओळखीच्या मित्राने ‘तुला माझ्याशी बोलायचे नाही का’ अशी विचारणा करत ब्लेडने वार केल्याची घटना घडली. त्यानंतर संशयिताने स्वतःच्या हातावर ब्लेडने वर करून पळ काढला. त्याचा शोध पोलिस घेत आहेत. येथील एका झोपडपट्टीत राहणारी मुलगी गुरूवारी (दि.७) संध्याकाळच्या सुमारास डिसूजा रस्त्याने एका दुकानात खरेदीसाठी जात होती. यावेळी तिच्या ओळखीचा मित्र संशयित संकेत केदारे हा त्याच्या एका साथीदारासोबत दुचाकीने पाठलाग करत आला.

 खिशातून ब्लेड काढून डाव्या हातावर व त्या मुलीच्या उजव्या हातावर वार करून जेलरोड नारायण बापु नगरच्या दिशेने दुचाकीवरून पळून गेला. याप्रकरणी उपनगर पोलीस ठाण्यात पोस्को, विनयभंगाचा गुन्हा दाखल करण्यात आला आहे. पिडित मुलीची वाट रोखली आणि ‘तुला माझ्याशी बोलायचे नाही का...’ असे म्हणून ब्लेडने वार केले. यानंतर स्वत:लाही दुखापत करून घेतली. यानंतर संशयित केदारे हा त्याच्या मित्रासोबत दुचाकीने नारायण बापूनगरच्या दिशेने पळून गेला,असे फिर्यादीत म्हटले आहे. पोलिस संशयिताचा शोध घेत आहेत.