शिवसेनेचे हिंदुत्व केवळ निवडणुकीपुरते नाही आदित्य ठाकरे : नाशिक दौºयात शिवसैनिकांशी साधला संवाद

शिवसेनेचे हिंदुत्व हे केवळ निवडणुकीपुरते नाही, त्यामुळेच शिवसेनेची विजयी घोडदौड सुरू आहे़

ठळक मुद्देआदित्य ठाकरे नाशिक दौºयावरभाजपाची लाट ओसरल्याचे समोर

नाशिक : शिवसेनेचे हिंदुत्व हे केवळ निवडणुकीपुरते नाही, त्यामुळेच शिवसेनेची विजयी घोडदौड सुरू आहे़ नुकत्याच ठाणे येथील जिल्हा परिषद, पंचायत समिती तसेच इगतपुरी नगरपालिका निवडणुकीत शिवसेनेला एकहाती सत्ता मिळाली आहे़ आगामी विधानसभा, लोकसभा निवडणुकांमध्येही सेनेला एकहाती सत्ता मिळवून देण्याचे आवाहन शिवसेनेचे युवा सेनाप्रमुख आदित्य ठाकरे यांनी मंगळवारी (दि़१९) पदाधिकाºयांना मार्गदर्शन करताना केले़
आदित्य ठाकरे हे नाशिक दौºयावर असून, मंगळवारी सायंकाळी शालिमार येथील शिवसेनेच्या मध्यवर्ती कार्यालयात दिंडोरी व नाशिक लोकसभा मतदारसंघातील पदाधिकाºयांच्या बैठकीचे आयोजन करण्यात आले होते़ यावेळी ठाकरे म्हणाले की, गुजरात निवडणुकीच्या निकालावरून भाजपाची लाट ओसरल्याचे समोर आले असून, शिवसेनेचे हिंदुत्व हे केवळ निवडणुकीपुरते नसते हे नागरिकांना दाखविण्याची वेळ आता आली आहे़ ठाकरे यांच्या हस्ते इगतपुरी, त्र्यंबकेश्वर येथील नवनिर्वाचित नगरसेवक तसेच नाशिक महापालिकेतील स्वीकृत नगरसेवक सुनील गोडसे, अ‍ॅड़ श्यामला दीक्षित यांचा सत्कार करण्यात आला़ यावेळी जिल्हाप्रमुख विजय करंजकर, सुहास कांदे, भाऊलाल तांबडे, शहरप्रमुख अजय बोरस्ते, महापालिका गटनेते विलास शिंदे, जि. प. अध्यक्ष शीतल सांगळे, उत्तर महाराष्ट्र संपर्कप्रमुख सत्यभामा गाडेकर, माजी जिल्हाप्रमुख जयंत दिंडे, नगरसेवक सुधाकर बडगुजर, नगरसेवक राहुल दिवे, दिलीप दातीर, जि. प.चे माजी गटनेते प्रवीण जाधव, पेठचे उपनगराध्यक्ष मनोज घोंगे, निवृत्ती जाधव आदी उपस्थित होते.