शिवसेनेचा विरोध : ‘ईईएसएल’कडून एलईडीची खरेदी पालिकेला ठगणार अंधार पसरविण्याचा डाव

नाशिक : एनर्जी इफिशियन्सी सर्व्हिस लिमिटेड (ई.ई.एस.एल) सोबत एलईडी दिव्यांची खरेदी करण्याचा दबाव राज्य सरकारकडून महापालिकेवर टाकला जात आहे.

ठळक मुद्दे ‘दिवे’ प्रकाशाऐवजी अंधार पसरविणारेच नाशिककरांवर अंधाराचे साम्राज्य

नाशिक : एनर्जी इफिशियन्सी सर्व्हिस लिमिटेड (ई.ई.एस.एल) सोबत एलईडी दिव्यांची खरेदी करण्याचा दबाव राज्य सरकारकडून महापालिकेवर टाकला जात आहे. महापालिकेवर या कंपनीचा करार लादण्याचा प्रयत्न सुरू असून, यास शिवसेनेचा तीव्र विरोध आहे. कारण या कंपनीने अद्याप लावलेले ‘दिवे’ प्रकाशाऐवजी अंधार पसरविणारेच असल्याचे समोर आले. त्यामुळे नाशिककरांवर अंधाराचे साम्राज्य पसरविण्याचा हा डाव यशस्वी होऊ देणार नाही, असे महापालिकेचे विरोधी पक्षनेते अजय बोरस्ते यांनी सांगितले.
उत्तर प्रदेश, आंध्र प्रदेश राज्यांमधील विविध शहरांसह मुंबई महापालिकेमध्येही या कंपनीच्या कारभाराचे ‘दिवे’ लागले आहेत. ई.ई.एस.एल.चा भोंगळ कारभार उघड झाला आहे. त्यामुळे या कंपनीबाबतचा करार करून मुख्यमंत्र्यांनी दत्तक घेतलेल्या नाशिकच्या जनतेची वाट ‘अंधकारमय’ करण्याचा प्रयत्न केल्याचे बोरस्ते म्हणाले. ऊर्जा बचतीसाठी ‘इस्को’सारखे प्रभावी मॉडेल असताना ई.ई.एस.एल.चा करार करून दरमहा ई.एम.आय. कंपनीला भरण्याचा भार मनपावर लादण्याचा अट्टाहास सरकारकडून कशासाठी? असा प्रश्नही त्यांनी यावेळी उपस्थित केला. ई.ई.एस.एल. कंपनीने लावलेले दिवे सुस्थितीतील असो किंवा नसो, त्यांचा प्रकाश जमिनीवर व्यवस्थित पडत आहे की नाही, या पडताळणीचाही अधिकार महापालिकेला नसणार आहे. एकू णच केंद्राची कंपनी म्हणून ई.ई.एस.एल.च्या कारभारावर महापालिकेचे कुठलेही नियंत्रण राहणार नाही. २०११ सालचा वादग्रस्त एलईडी दिवे खरेदी प्रकरण न्यायप्रविष्ट असताना पालिकेतील सत्तारूढ भाजपाने पुन्हा एकदा शहरातील संपूर्ण ८५ हजार पथदीपांसाठी एलईडी दिव्यांची खरेदी करण्याचा निर्णय घेतला आहे. ई.ईएस.एल. या शासननियुक्त कंपनीकडून एलईडी दिवे खरेदीचा घाट घातला गेला असून, महासभेत मंजुरीही मिळविली. त्यासाठी निविदा प्रक्रि येत असलेल्या ८५हजार एलईडी दिव्यांची खरेदीदेखील रोखण्यात आली आहे, असे बोरस्ते पत्रकार परिषदेत म्हणाले.
ठेकेदारांना पोसण्यासाठी गोंडस ‘दिवे’
ऊर्जा बचतीच्या गोंडस नावाखाली ठेकेदारांना पोसण्यासाठीच ईईएसएल एजन्सी महापालिकेच्या माथी मारली जात आहे. केंद्राच्याच स्मार्ट सिटी अभियानांतर्गत ‘इस्को’ एलईडी दिवे बसविण्याची योजना यापूर्वीच मंजूर आहे. या अंतर्गत एलईडी दिवे बसविणाºया एजन्सीचे संयुक्त खाते तयार केले जाणार आहे. ऊर्जा बचतीतून होणाºया रकमेचा फायदा मनपालाही होणार आहे. ऊर्जा बचत न झाल्यास मनपाला कुठलाही तोटा सहन करावा लागणार नाही. ‘ईईएसएल’ला ठेका दिल्यास ऊर्जा बचत होवो अगर ना होवो संबंधित कंपनीला देयक अदा करण्याची सक्ती मनपाला असेल, यासाठी विशिष्ट रकमेचे हप्ते बांधून देण्यात येतील.