नासाका परिसरात बिबट्याचे दर्शन

नासाका परिसरात बिबट्याचे दर्शन

सिन्नर : नासाका केनगेटलगत पोपट सदाशिव गायधनी यांच्या मळ्यातून मंगळवारी रात्री साडेनऊच्या सुमारास बिबट्याला कारखान्याच्या परिसरात ग्रामस्थांनी बघितले. गेल्या तीन वर्षापासून नासाका बंद असून, त्या ठिकाणी मोठ्या प्रमाणात झाडे-झुडपे वाढल्याने जंगलसदृश परिस्थिती निर्माण झालेली आहे. बिबट्याच्या दर्शनानंतर रात्रभर परिसरात कुत्रे भुंकत असल्याचे ग्रामस्थांनी सांगितले. यामुळे बुधवारी सकाळपासून ग्रामस्थ व आजूबाजूच्या मळ्यातील रहिवाशांमध्ये भीतीचे वातावरण पसरले आहे. काही दिवसांपूर्वी नानेगाव, वडगाव, मुठाळ वस्ती आदि भागामध्ये बिबट्याने गोठ्यातील व घराबाहेर बांधलेल्या जनावरांवर हल्ला केल्याच्या घटना घडल्या आहेत.