कुमावत सेवा संघाचा राज्यस्तरीय वधू-वर मेळावा

कुमावत सेवा संघाचा राज्यस्तरीय वधू-वर मेळावा

निफाड : कुमावत बेलदार समाज सेवा संघाच्या वतीने येत्या रविवार (दि. २२) सकाळी १0 वाजता हिवाळे पाटील मंगल कार्यालय, बीड बायपास औरंगाबाद येथे राज्यस्तरीय वधूवर परिचय मेळाव्याचे आयोजन करण्यात आले आहे. या मेळाव्यात सहभागी होण्यासाठी कोणतीही प्रवेश अगर फॉर्म फी आकारण्यात आलेली नाही, मेळाव्यात नावनोंदणी केलेल्या वधूवराचे नाव माहिती वधूवर परिचय पुस्तिकेत छापण्यात येणार आहे. या वधूवर मेळाव्यात उपवर मुलगा व मुलगी यांच्यासोबतच घटस्फोटित, विधुर, विधवा, परित्यक्त्या उमेदवारांनाही सहभागी होणार येणार आहे.
या मेळाव्याला औरंगाबादचे खासदार चंद्रकांत खैरे, आमदार प्रदीप जैस्वाल, माजी महापौर गजानन बारवाल, सौ. अनिता घोडेले, नंदकुमार घोडेले यांच्यासह मान्यवर उपस्थित राहणार आहे. या मेळाव्याला बांधवांनी उपस्थित राहून मेळाव्याचा लाभ करून घ्यावा, असे आवाहन कुमावत सेवा संघाचे अध्यक्ष श्रीकांत परदेशी, उपाध्यक्ष हरिष बेहरे, राजेंद्र बेलदार, साई विचार मंच औरंगाबाद यांनी केले आहे.