तरुणीची गळफास घेऊन आत्महत्या

मालेगाव मध्य : शहरातील रौनकाबाद येथे मनोविकाराने त्रस्त महिलेस लॉकडाऊनमुळे औषधोपचार न मिळाल्याने नैराश्यातून रात्री आठच्या सुमारास घराच्या छताला ओढणीने गळफास घेऊन आत्महत्या केली. सायराबानो शेख उमर असे मृत महिलेचे नाव आहे.

ठळक मुद्दे सुरत येथील शासकीय रुग्णालयात उपचार सुरू होते.

मालेगाव मध्य : शहरातील रौनकाबाद येथे मनोविकाराने त्रस्त महिलेस लॉकडाऊनमुळे औषधोपचार न मिळाल्याने नैराश्यातून रात्री आठच्या सुमारास घराच्या छताला ओढणीने गळफास घेऊन आत्महत्या केली. सायराबानो शेख उमर असे मृत महिलेचे नाव आहे. सायरा बानो हिचे सासर शहरातील नोमानीनगर येथे आहे. तिला मनोविकाराने ग्रासले असल्याने २०१५पासून तिच्यावर सुरत येथील शासकीय रुग्णालयात उपचार सुरू होते. मागील तीन-चार महिन्यापासून तिचे औषध संपले होते. परंतु लॉकडाऊनमुळे वाहने बंद होती. खासगी वाहनाने जाणे आर्थिकदृष्ट्या शक्य नसल्याने तिला वेळीच औषधोपचार मिळू शकले नाही. या नैराश्यातून रात्री आठच्या सुमारास माहेरी रौनकाबाद येथे वरच्या मजल्यावर ओढणीने गळफास लावून आत्महत्या केली असल्याची माहिती भाऊ मोहम्मद शाकीर याने दिली. तिच्या पश्चात पती व मुलगा असा परिवार आहे.