चलार्थपत्र मुद्रणालयातील  दोन कामगार निलंबित

चलार्थपत्र मुद्रणालयात तीन दिवसांपूर्वी अधिकारी व कामगारांमध्ये झालेल्या वादविवादाच्या पार्श्वभूमीवर व्यवस्थापनाने दोन कामगारांना निलंबित केल्याचे वृत्त आहे.

नाशिक : चलार्थपत्र मुद्रणालयात तीन दिवसांपूर्वी अधिकारी व कामगारांमध्ये झालेल्या वादविवादाच्या पार्श्वभूमीवर व्यवस्थापनाने दोन कामगारांना निलंबित केल्याचे वृत्त आहे. चलार्थपत्र मुद्रणालयात गेल्या शुक्रवारी अधिकारी व कामगारांमध्ये वादविवाद होऊन धक्काबुक्की झाल्याची घटना घडली असल्याचे समजते. सदर घटनेची माहिती मुद्रणालय महामंडळापर्यंत गेली होती. त्या पार्श्वभूमीवर चलार्थपत्र मुद्रणालयाचे महाप्रबंधक के.एन. महापात्र यांनी कामगार जी. वाय. काळे व एस. जी. घुगे यांना सोमवारी निलंबित केले आहे. घुगे मुद्रणालय मजदूर संघाचे कार्यकारिणी सदस्य आहेत. या कारवाईची कामगारवर्गात चर्चा सुरू आहे.