एचएएल कामगार संघटनेची त्रैवार्षिक निवडणूक घ्या

ओझरटाऊनशिप : येथील एच. ए. एल. कामगार संघटनेची त्रैवार्षिक निवडणूक तत्काळ घ्यावी, अशी मागणी एच. ए. एल. कामगारांच्या वतीने संघटनेचे माजी सरचिटणीस संजय कुटे यांनी कामगार संघटनेचे सरचिटणीस सचिन ढोमसे यांच्याकडे कामगारांच्या सह्यानिशी एका निवेदनाद्वारे केली आहे. संघटनेचा त्रैवार्षिक कार्यकाळ (२०१८-२१) मागील महिन्यात १५ जूनलाच संपला असून, पुढील कार्यकारिणीच्या निवडीसाठी लवकरात लवकर निवडणूक घेण्यात यावी, या मागणीसाठी कुटे यांच्या नेतृत्त्वाखाली आपला ग्रुपने सह्यांची मोहीम राबवली. त्यामध्ये जवळपास दोन हजार कामगारांनी सह्या करून या मागणीला पाठिंबा दर्शविला. या मागणीचे निवेदन कामगार संघटनेचे सरचिटणीस सचिन ढोमसे यांना दिले. कामगार उपायुक्त, नाशिक यांची भेट घेऊन त्यांना सह्यांचे निवेदन दिले आहे. कोविड नियमांचे योग्य पालन करत निवडणूक प्रक्रिया व्यवस्थित पार पाडण्याची ग्वाहीदेखील या निवेदनात देण्यात आली आहे. ज्याप्रमाणे कोरोना काळात सध्या फिजिकल डिस्टन्सिंगचे पालन करत कामगार १०.५ तासांची ड्युटी करत आहेत. तशीच निवडणूक प्रक्रियादेखील कंपनी आवारातच होणार असल्याने कोविडच्या मार्गदर्शक सूचनांचे काटेकोर पालन करत निवडणूक तत्काळ घेण्यात यावी, अशी सर्वच कामगारांची मागणी असल्याचे संजय कुटे यांनी सांगितले.

------------------------------

कामगार संघटना निवडणूक घेण्यासाठी संघटनेचे सरचिटणीस सचिन ढोमसे यांना निवेदन देताना माजी सरचिटणीस संजय कुटे व आपला ग्रुपचे प्रतिनिधी. (१४ ओझरटाऊनशिप)

140721\14nsk_8_14072021_13.jpg

१४ ओझरटाऊनशिप