तारवालानगरमध्ये एकावर धारदार शस्त्राने वार

किरकोळ कारणावरून कुरापत काढून दोघा संशयितांनी एकावर धारदार शस्त्राने वार केल्याची घटना गुरुवारी (दि.१३) रात्री सव्वा अकरा वाजेच्या सुमारास दिंडोरीरोडवरील तारवालानगर परिसरात घडली़

पंचवटी : किरकोळ कारणावरून कुरापत काढून दोघा संशयितांनी एकावर धारदार शस्त्राने वार केल्याची घटना गुरुवारी (दि.१३) रात्री सव्वा अकरा वाजेच्या सुमारास दिंडोरीरोडवरील तारवालानगर परिसरात घडली़ नीलेश प्रकाश बोरसे असे गंभीर जखमी झालेल्या इसमाचे नाव असून त्याच्यावर खासगी रुग्णालयात उपचार सुरू आहेत़
पोलिसांनी दिलेल्या माहितीनुसार तलाठी कॉलनीतील रहिवासी नीलेश बोरसे हे गुरुवारी रात्री परिसरातील शेकोटी भोवती बसलेले होते़ यावेळी संशयित मारुती गायकवाड व त्याचा साथीदार अक्षय जाधव यांनी चारचाकी (एमएच १५, डी ५४२२) जवळून नेली व पुन्हा माघारी आले़ यावेळी शेकोटी भोवती बसलेल्या निलेश बोरसे यांनी गाडी इतक्या जवळून का नेली याची विचारणा केली असता संशयितांना राग आल्याने त्यांनी बोरसे याच्यावर धारदार शस्त्राने वार करून जखमी केले.
दरम्यान, याप्रकरणी पंचवटी पोलिसांनी एका संशयितास ताब्यात घेतले आहे़