जळालेल्या गाडीसह महिला वैद्यकीय अधिकाऱ्याचा मृतदेह आढळ्याने खळबळ

महानगरपालिकेच्या महिला वैद्यकीय अधिकाऱ्याचा मृतदेह जळालेल्या अवस्थेत आढळल्याने सर्वत्र खळबळ उडाली आहे.

नाशिक - शहरातील विल्होळी परिसरात महिला वैद्यकीय अधिकाऱ्याची जळालेली कार आढळून आल्याने खळबळ उडाली आहे. विशेष म्हणजे या कारमध्ये महापालिका रुग्णालयाच्या वैद्यकीय अधिकारी डॉ. सुवर्णा वाजे यांचा मतृदेह जळालेल्या अवस्थेत आढळला आहे. याबाबत माहिती मिळताच पोलिसांनी तात्काळ घटनास्थळी धाव घेतली आहे. 

महानगरपालिकेच्या महिला वैद्यकीय अधिकाऱ्याचा मृतदेह जळालेल्या अवस्थेत आढळल्याने सर्वत्र खळबळ उडाली आहे. प्राथमिक माहितीनुसार डॉ. सुवर्णा वाजे या मनपाच्या श्री स्वामी समर्थ रुग्णालयात वैद्यकीय अधिकारी म्हणून कार्यरत होत्या. विल्होळी परिसरात स्वतःच्या चारचाकी वाहनात पूर्ण जळालेल्या अवस्थेत सकाळी त्यांचा मृतदेह आढळून आला. त्यानंतर, माहिती मिळताच वाडीवऱ्हे पोलिसांनी घटनास्थळी धाव गेतली. तसेच, या वृत्ताला दुजोरा दिला असून पोलीस तपास सुरू असल्याचे सांगण्यात आले. डॉ. वाजे यांचा अपघात झाला की अन्य घातपात याबाबत अद्याप काहीही स्पष्ट नाही. त्यामुळे, पोलिसांच्या तपासानंतरच प्राथमिक माहिती समोर येणार आहे.