मालेगावी दोन दुचाकींची चोरी

----

कटरने वार करणाऱ्या तिघा जणांविरुद्ध गुन्हा

मालेगाव : शहरातील कुंभारवाडा भागात किरकोळ कारणावरून शिवीगाळ करीत लाकडी दांडक्याने व कटरने वार करून शाहीदखान प्यारेखान पठाण याला जखमी केल्याप्रकरणी रफिक रशीद, अमन, मुमजात (पूर्ण नाव माहीत नाही) यांच्या विरुद्ध किल्ला पोलीस ठाण्यात गुन्हा दाखल करण्यात आला आहे. पुढील तपास हवालदार एस. बी. काळे करीत आहेत.

----

ठार मारण्याचा प्रयत्न, सहा जणांविरुद्ध गुन्हा

मालेगाव : येथील एका रुग्णालयात विवाहितेचा शारीरिक व मानसिक छळ करून तिला ठार मारण्याचा प्रयत्न करणाऱ्या सासरच्या सहा जणांविरुद्ध छावणी पोलीस ठाण्यात गुन्हा दाखल करण्यात आला आहे. याप्रकरणी डाॅ. वेलंतिना किरण पाटील यांनी फिर्याद दिली आहे. विवाहितेचा शारीरिक व मानसिक छळ करून मारहाण करून ठार मारण्याचा प्रयत्न करणारा पती डॉ. किरण बारकू पाटील याच्यासह सहा जणांविरुद्ध गुन्हा दाखल करण्यात आला आहे. पुढील तपास पोलीस उपनिरीक्षक अहिरे करीत आहेत.

----

चाळीसगाव फाटा परिसरात पाच जनावरे जप्त

मालेगाव : कत्तलीच्या हेतूने पिकअपमध्ये जनावरांची वाहतूक करणाऱ्या दोन जणांना तालुका पोलिसांनी अटक केली आहे. त्यांच्याकडून पाच जनावरे व पिकअप जप्त केली आहे. चाळीसगाव फाटा सायने शिवारातून पिकअप (क्रमांक एमएच ०४ जीए २३०९)मधून ५ जनावरांची वाहतूक करताना आबिद बिलाल शेख, सलमान उस्मान मुल्ला हे दोघे आढळून आले. याप्रकरणी पोलीस हवालदार पन्नालाल बागूल यांच्या फिर्यादीवरून गुन्हा दाखल करण्यात आला आहे. पुढील तपास हवालदार एस. पी. बच्छाव करीत आहेत.

----

मळगाव शिवारातून जनावरांची चोरी

मालेगाव : तालुक्यातील मळगाव येथील ३० हजार रुपये किमतीची जनावरे अज्ञात चोरट्यांनी चोरून नेली. याप्रकरणी मनोहर भिवसन भोसले या शेतकऱ्याने तालुका पोलीस ठाण्यात फिर्याद दिली आहे. त्यांच्या मालकीचे घराजवळ बांधलेली जनावरे अज्ञात चोरट्याने चोरून नेली आहेत. पुढील तपास हवालदार कैलास गुजर करीत आहेत.

----

नशेच्या गोळ्या, औषधी बाळगणाऱ्याला अटक

मालेगाव : येथील मुंबई-आग्रा महामार्गालगत नशेच्या गोळ्या व औषधी बाळगणाऱ्या मोहंमद रिजवान मोहंमद मुस्तफा याला तालुका पोलिसांनी अटक केली आहे. त्याच्याकडून १ हजार ८० रुपये किमतीची गुंगीचे औषधी जप्त करण्यात आली आहे. याप्रकरणी अन्न व औषध प्रशासन निरीक्षक प्रशांत ब्राह्मणकर यांनी फिर्याद दिली आहे. पुढील तपास हवालदार श्याम खैरनार करीत आहेत.

----

विनयभंग करणाऱ्या चौघा जणांविरुद्ध गुन्हा

मालेगाव : तालुक्यातील ज्वार्डी येथे महिला शेतात काम करीत असताना दत्तात्रय नथा दैतकार यांनी लज्जा उत्पन्न होईल असे वर्तन केले, तर कृषिप्रसाद दैतकार, यशोदाबाई दत्तात्रय दैतकार, प्रणाली दत्तात्रय दैतकार यांनी पीडित महिलेच्या पतीला शिवीगाळ, मारहाण करून दमदाटी केली. याप्रकरणी पीडित महिलेने फिर्याद दिली आहे. पुढील तपास हवालदार गुजर करीत आहेत.

----

अपहरण करून मारहाण, चौघा जणांविरुद्ध गुन्हा

मालेगाव : शहरातील करीमनाका भागातून मकदूम अशरफ अख्तर अजीज याचे अपहरण करून बंदुकीचा धाक दाखवून गंभीर स्वरूपाची मारहाण करणाऱ्या मेहताबअली शौकतअली, सुफियानअली शौकतअली, जावेद ऊर्फ अज्जू कालिया मोहंमद यासीन व एका अनोळखीविरुद्ध आयेशानगर पोलीस ठाण्यात गुन्हा दाखल करण्यात आला आहे. याप्रकरणी पुढील तपास पोलीस निरीक्षक पी. के. वाघमोडे करीत आहेत.

----