चोरट्यांनीही धुतले दिवाळीत हात
By Admin | Published: November 14, 2015 11:25 PM2015-11-14T23:25:30+5:302015-11-14T23:26:07+5:30
चोरट्यांनीही धुतले दिवाळीत हात
चोरट्यांनीही धुतले दिवाळीत हात
Next नाशिक : लक्ष्मीपूजन ते भाऊबीज या कालावधीत चोरट्यांनीही आपली दिवाळी साजरी केली आहे़ शहरात विविध ठिकाणी एका घरफोडीसह मोबाइल चोरीच्या पाच घटना घडल्या असून, त्यामध्ये सुमारे दीड लाखांचे मोबाइल चोरट्यांनी लंपास केले आहेत़ या प्रकरणी संबंधित पोलीस ठाण्यात चोरीचे गुन्हे दाखल करण्यात आले आहेत़
सिडकोतील राणाप्रताप चौकात राहणारे रफि क सलील पठाण यांच्या बंद घराच्या दरवाजाचा कडी-कोयंडा तोडून चोरट्यांनी एलईडी टीव्ही व गॅस सिलिंडर चोरून नेला़ या प्रकरणी अंबड पोलीस ठाण्यात घरफोडीचा गुन्हा दाखल करण्यात आला आहे़
हिरावाडीतील वरद विनायक सोसायटीत राहणारे प्रवीण कुलथे हे हिरावाडी भाजीबाजारात भाजी खरेदीसाठी गेले असता त्यांच्या खिशातील साठ हजार २५० रुपयांचे दोन मोबाइल चोरट्यांनी चोरून नेले़ या प्रकरणी पंचवटी पोलीस ठाण्यात चोरीचा गुन्हा दाखल करण्यात आला आहे़ पुणे रोडवरील हेमराज सोसायटीत राहणारे अरमाण शर्मा यांचा ३५ हजार रुपयांचा आयफोन भद्रकाली परिसरातून चोरट्यांनी चोरून नेल्याची घटना घडली़ अशाच प्रकारची दुसरी घटना घडली असून, सोमवार पेठेतील प्रांजल देव या उदय जनरल स्टोअर्स येथे आकाशकंदील तयार करीत असताना चोरट्यांनी त्यांचा सहा हजार रुपये किमतीचा मोबाइल चोरून नेला़ या दोन्ही मोबाइल चोरी प्रकरणी गुन्हा दाखल केला आहे़ (प्रतिनिधी)