घामाच्या धारा! उष्णतेचा कहर सुरू असताना 'या' शहरात 3 तासांचे भारनियमन

नाशिक : राज्यातील विजेची मागणी आणि पुरवठा यामध्ये मोठी तफावत निर्माण झाल्यामुळे राज्यावर पुन्हा भारनियमनाचे संकट आले आहे. त्याचा फटका नाशिककरांनाही बसणार असून, शहरात सुमारे तीन ते साडेतीन तासांचे भारनिमयन सोमवारपासून होणार आहे.

सोमवार ते बुधवार सकाळी ७.३० ते ९ आणि दुपारी २.३० ते सायंकाळी ४.१५ पर्यंत, तर गुरुवार ते रविवारी सकाळी ९ ते १०.४५ आणि दुपारी १६.१५ ते सायंकाळी ५.४५ या कालावधीत पवननगर, राणेनगर, गंगाघाट, कृषीनगर, विद्याविकास सर्कल, पाटील कॉलनी, सदगुरू नगर, राजेबहाद्दर, उदोजी मराठा या भागात भारनियमन होणार आहे.

सोमवार ते बुधवार सकाळी ९ ते १०.४५ आणि दुपारी १६.१५ ते सायंकाळी ७.१५ पर्यंत, तर गुरुवार ते रविवारी ७.३० ते ९ आणि दुपारी २.३० ते सायंकाळी ४.१५ पर्यंत अश्विन नगर, विजयनगर, पीॲन्डटी कॉलनी, नवीन साधुग्राम, माघ सेक्टर, चव्हाण, मळा, सहदेव नगर, उंटवाडी, महात्मानगर, सावरकर नगर येथे भारनियमन होणार आहे.

त्याचप्रमाणे उत्तमनगर, एकतानगर, कुलकर्णी काॅलनी, त्रिमूती चौक, पंचक, गायत्रीनगर, पंचवटी, क्रीडा संकुल, टिळकवाडी या ठिकाणी सोमवार ते बुधवार सकाळी साडेसात ते साडेनऊ, गुरुवार ते रविवार सकाळी साडेनऊ ते साडेअकरा या वेळेत भारनियमन होणार आहे. दुपारीदेखील दोन आणि चार वाजता दीड तासांचे भारनियमन होणार आहे.

सोमवारी सकाळी साडेनऊ ते साडेअकरा व दुपारी चार ते सहा या वेळेत, तसेच गुरुवार ते रविवार सकाळी साडेसात ते साडेनऊ, तसेच दुपारी दोन ते सायंकाळी साडेचार या वेळेत म्हसरूळ, पेठरोड, गोरक्षनगर, अशोकस्तंभ, आरटीओ, विशाल पाॅईंट, एसटी काॅलनी, अमृतधाम, राममंदिर, सातपूर या ठिकाणी भारनियमन होणार आहे.

कलानगर, कालिकानगर, सिंहस्थनगर, साईनगर, रविवार कारंजा, गोविंदनगर येथे सोमवार ते बुधवार सकाळी सहा ते साडेआठ दुपारी पाऊणेदोन ते सायंकाळी साडेसहा या कालावधीत भारनियमन होणार आहे. गंजमाळ, लेखानगर, ठक्कर, बाजार, गोविंदनगर, मोरवाडी येथेही सकाळ सायंकाळी भारनियमन होणार आहे.

सारडा सर्कल, औरंगाबाद रोड, जुने नाशिक, बुधवारपेठ, भद्रकाली मार्केट, दूधबाजार या ठिकाणी देखील सकाळ सायंकाळी तीन-तीन तासांचे भारनियमन होणार आहे.