तवेरा उलटल्याने तिघे जखमी

तवेरा उलटल्याने तिघे जखमी

वणी : शिर्डी येथून गडावर जाणाऱ्या तवेरा कारचा अपघात होऊन कारचालक किरकोळ जखमी झाला, तर उर्वरित तिघे गंभीर आहे. दोन जखमींना नाशिक येथे हलविण्यात आले आहे. मनोज पाटील, शीतल मुळे, सोनल बर्डे तसेच कारचालक असे चौघे तवेरा गाडीतून वणी-नांदुरी रस्त्याने जात असताना कारचालकाचे नियंत्रण सुटल्याने झालेल्या अपघातात तवेरा पलटल्याने वरील प्रवासी जखमी झाले.
दुपारच्या सुमारास हा अपघात घडला. जखमींना वणी ग्रामीण रु ग्णालयात दाखल करण्यात आले. मात्र प्राथमिक उपचारानंतर मनोज पाटील व सोनल बर्डे यांची प्रकृती खालावल्याने त्यांना पुढील उपचारासाठी नाशिकला हलविण्यात आले आहे. (वार्ताहर)
ओझर येथे
९३ हजारांच्या दागिन्यांची चोरी
ओझर टाऊनशिप : घराचे कुलूप तोडून अज्ञात चोरट्यांनी घरात प्रवेश करून बेडरूममधील कपाटात ठेवलेले सव्वा पाच तोळे वजनाचे ९३ हजार रूपये किमतीचे सोन्याचे दागिने चोरून नेले असल्याची घटना आज दुपारी ओझर येथे घडली.
आज दुपारी दोन वाजेच्या सुमारास. सिमा वसंत पानगव्हाणे, रा. श्रीकृष्ण नगर या घराला कुलूप लावून शेजारच्या घरी गेल्या असल्याची संधी साधून आज्ञात चोरट्याने त्यांच्या घराच्या दरवाजाच कुलुप तोडून दरवाजा उघडून घरात प्रवेश करून घरातील बेडरूममध्ये मधील लाकडी कपाटात ठेवलेले सव्वा पाच तोळे वजनाचे 93 हजार रूपये किमतीचे सोन्याचे दागिने चोरून नेले असल्याची तक्रार सिमा पानगव्हाणे यांनी नोंदविल्यावरून ओझर पोलिसांनी अज्ञात चोरट्यांविरूद्ध गुन्हा दाखल केला असुन पोलिस निरीक्षक श्रीहरी बहिरट यांचे मार्गदर्शनाखाली सहायक पोलीस उपनिरीक्षक खंडेराव जाधव, हवालदार माळोदे करीत आहेत.