शहरातील वेगवेगळ्या घटनांमध्ये तिघांची आत्महत्या

नाशिक : शहरातील इंदिरानगर, अंबड व देवळाली कॅॅ म्प परिसरात तिघांनी आत्महत्या केल्याची घटना घडली आहे़ आत्महत्या करणाऱ्यांमध्ये दोन पुरुष व एका महिलेचा समावेश असून, या प्रकरणी संबंधित पोलीस ठाण्यात अकस्मात मृत्यूची नोंद करण्यात आली आहे़

वडाळागावात राहणा-या २२ वर्षीय विवाहितेने गळफास घेऊन आत्महत्या केल्याची घटना शुक्रवारी (दि़१९) सकाळी घडली़ अनितादेवी दिलीपकुमार प्रसाद (रा. वडाळागाव) असे आत्महत्या केलेल्या महिलेचे नाव आहे. अनितादेवी हिने सकाळच्या सुमारास गळफास घेतला़ दरम्यान, आत्महत्येचे कारण समजू शकले नसून, या प्रकरणी इंदिरानगर पोलीस ठाण्यात अकस्मात मृत्यूची नोंद करण्यात आली आहे़

सिडकोतील स्वामी विवेकानंदनगरमधील ३५ वर्षीय इसमाने बेडरूममधील पंख्यास ओढणीच्या साहाय्याने गळफास घेऊन आत्महत्या केल्याची घटना शुक्रवारी (दि़१९) सायंकाळच्या सुमारास घडली़ सचिन रविकांत दाणी असे आत्महत्या केलेल्या इसमाचे नाव आहे़ सायंकाळच्या सुमारास दाणी यांनी गळफास घेतल्याची बाब कुटुंबीयांना कळाल्यानंतर त्यांनी तत्काळ जिल्हा रुग्णालयात दाखल केले असता वैद्यकीय अधिकाºयांनी तपासून मयत घोषित केले़ दरम्यान, आत्महत्येचे कारण समजू शकले नसून, या प्रकरणी अंबड पोलीस ठाण्यात अकस्मात मृत्यूची नोंद करण्यात आली आहे़

देवळाली कॅम्पमधील रविवार बाजारातील हौसनरोड परिसरातील इसमाने विषारी औषध सेवन करून आत्महत्या केल्याची घटना घडली आहे़ संतोष पंडित शेळके (३५) असे आत्महत्या केलेल्या इसमाचे नाव आहे़ शेळके यांनी बुधवारी विषारी औषध सेवन केल्याने त्यांना जिल्हा रुग्णालयात दाखल केले असता शुक्रवारी त्यांचा मृत्यू झाला़ दरम्यान, आत्महत्येचे कारण समजू शकले नसून, या प्रकरणी देवळाली कॅम्प पोलीस ठाण्यात अकस्मात मृत्यूची नोंद करण्यात आली आहे़