उद्या मराठा आरक्षण परिषद

उद्या मराठा आरक्षण परिषद

नाशिक : मराठा समाजाला आरक्षण मिळावे यासाठी विविध संघटनांनी पुन्हा पुढाकार घेतला असून, कोल्हापूर आणि नांदेड पाठोपाठ नाशिकमध्ये रविवारी (दि. ३०) मराठा आरक्षण परिषद आयोजित करण्यात आली आहे.
नाशिक जिल्हा मराठा एकीकरण समितीच्या वतीने गंगापूररोडवरील रावसाहेब थोरात सभागृहात दुपारी १२ वाजता ही परिषद होणार आहे. यावेळी स्वाभिमानी संघटनेचे नेते आमदार नितेश राणे तसेच युवराज संभाजीराजे भोसले यांची उपस्थिती असणार आहे, असे स्वाभिमानचे जिल्हाध्यक्ष डॉ. संदीप कोतवाल आणि समन्वयक शिवाजी शेलार, आशिष हिरे, मदन गाडे, तुषार मटाले, सागर शेवाळे, कमलेश पिंगळे, शरद शिंदे यांनी कळविले आहे. (प्रतिनिधी)