ट्रकची दुचाकीला धडक; एक ठार, दोन जखमी

---------

दुचाकीची दुचाकीला धडक, एक जण गंभीर जखमी

मालेगाव : मालेगाव-चाळीसगाव रस्त्यावर सायने फाट्यावर गेल्या बुधवारी सायंकाळी ५ वाजेच्या सुमारास भरधाव वेगात जाणाऱ्या दुचाकीने समोरून येणाऱ्या दुचाकीला धडक दिल्याने १ जण गंभीर जखमी झाला. याप्रकरणी तालुका पोलिसात हिरो स्प्लेंडर दुचाकी क्रमांक एमएच १५ सीझेड ३२७७ वरील चालकाविरोधात गुन्हा दाखल करण्यात आला. वैभव नंदू आहेर रा. मळगाव, गिरणाडॅम, हल्ली मुक्काम सोयगाव यांनी फिर्याद दिली. एमएच १५ सीझेड ३२७७ वरील चालकाने भरधाव वेगात दुचाकी चालवून समोरून येणाऱ्या फिर्यादीचा भाऊ चंचल नंदू आहेर याच्या ताब्यातील दुचाकी क्रमांक एमएच १५ बीव्ही ७१२४ ला धडक दिली. दोन्ही दुचाकींचे नुकसानीस कारणीभूत होऊन अपघाताची खबर न देता पळून गेला म्हणून गुन्हा दाखल करण्यात आला. अधिक तपास जमादार गुजर करीत आहेत.

----

सनाउल्लानगरातून दुचाकी चोरी

मालेगाव : शहरातील सनाउल्लानगर स. नं. २०२, प्लाॅट नं. २८ येथे घरासमोर लावलेली २० हजार रुपये किमतीची हिरो होंडा कंपनीची दुचाकी क्रमांक एमएच ४१ झेड ३९७२ अज्ञात चोरट्याने चोरून नेली. आबीद अहमद निसार अहमद या शिक्षकाने आझादनगर पोलिसात फिर्याद दिली. पोलिसांनी अज्ञात चोरट्याविरोधात गुन्हा दाखल केला. अधिक तपास उपनिरीक्षक सय्यद करीत आहेत.

----