दरोड्‌याच्या तयारीतील दोघांना अटक

पोलिसांनी संशयित आरोपी अंकुश संजय आरोटे (२२) व नीलेश दिगंबर दांडकेर (२१, दोन्ही रा. लक्ष्मी हाॅटेलजवळ, जिपीएफ कॉलनी, वाळूंज एमआयडीसी, विटवा जि. औरंगाबाद) यांना अटक केली असून तिसरा साथीदार श्रावण सुरेश पिंगळे (रा. ता. दिंडोरी, ता. निफाड) व त्याचे इतर दोन साथीदार हे फरार झाले आहेत. पोलिसांनी संशयितांकडून दरोडा टाकण्याचे साहित्य जप्त केले आहे. --------------------------------------------

खड्डयात पडून एकाचा मृत्यू

नांदगाव : मालेगाव-नांदगाव रोडवर हॉटेल निसर्गसमोर खड्डयाचा अंदाज न आल्याने मोटारसायकल खड्डयात पडून सोपान निंबा बोरसे (३०, रा. हिरेनगर, नांदगाव) हा गंभीर जखमी झाल्याने त्याचा मृत्यू झाला. सोपान बोरसे हा मोटारसायकल (क्रमांक एमएच १५ बीएफ ३२) यावरून नागासाक्या येथून नांदगाव येथे येत असताना रात्री ८.३०च्या सुमारास हॉटेल निसर्गसमोर रस्त्याच्या शेजारी असलेल्या खड्डयाचा अंदाज न आल्याने त्यात पडून तो गंभीर जखमी झाला. त्यातच त्याचा मृत्यू झाला. पोलिसांनी अपघाताची नोंद केली आहे.

---------------------------------------------

एसटी बसच्या धडकेत महिला जखमी

देवळा : उमराणे ता. देवळा येथे मुंबई-आग्रा रोडवर रस्ता ओलांडणारी महिला एसटी बसने दिलेल्या धडकेत जखमी झाली आहे. दिनेश रघुनाथ देसले (रा. माडीच, ता. शिंदखेडा जि. धुळे) या एसटी चालकाने (क्रमांक एमएच२० बीएल३४१४) गाडी निष्काळजीपणे चालवत रस्ता ओलांडणाऱ्या आशा रमेश सोलंकी (८, रा. कुंडीया, पो. मालवन, जि. बडवाणी, मध्य प्रदेश) या बालिकेला धडक दिली. त्यात ही बालिका गंभीर जखमी झाली. पोलिसांनी याप्रकरणी गुन्हा दाखल केला आहे.

--------------------------------------------

चिंचावडला वीज कर्मचाऱ्यास मारहाण

मालेगाव : चिंचावड (ता. मालेगाव) येथे घराचा वीज पुरवठा खंडित का केला व इलेक्ट्रिक मीटर का काढून घेतले, असा जाब विचारत वीज कर्मचाऱ्याला धक्काबुक्की व मारहाण केल्याप्रकरणी संशयित आकाश बापू भदाणे (रा. चिंचावड, ता. मालेगाव) याच्याविरुद्ध गुन्हा दाखल करण्यात आला आहे. वीज कर्मचारी राहुल अभिमन खरे यांनी याप्रकरणी फिर्याद दिली असून सरकारी कामात अडथळा आणल्याप्रकरणी गुन्हा नोंदविण्यात आला आहे.

--------------------------------------

एसटी बसच्या धडकेत एक ठार

नांदगाव : नांदगाव-औरंगाबाद रोडवर पोखरी शिवारात एसटीने मोटारसायकलस्वारास धडक दिल्याने त्याचा मृत्यू झाला आहे. एसटी बस (क्रमांक एमएच ०७ सी ९३३८) ही कन्नड-औरंगाबाद रोडने येत असताना चालकाने निष्काळजीपणे वाहन चालवत मोटारसायकलस्वार किरण बाबासाहेब चव्हाण (२५, रा. मुंगसापूर, ता. कन्नड, जि. औरंगाबाद) यास धडक दिली. त्यात त्याच्या डोक्याला गंभीर मार लागून त्याचा मृत्यू झाला. याप्रकरणी एसटी चालकाविरुद्ध गुन्हा दाखल करण्यात आला आहे.