नाशिक रोडला दोघांची आत्महत्या

उपनगर व जेतवननगर येथे दोन वेगवेगळ्या घटनांत दोघा इसमांनी गळफास लावून आत्महत्या केली.

नाशिक रोड : उपनगर व जेतवननगर येथे दोन वेगवेगळ्या घटनांत दोघा इसमांनी गळफास लावून आत्महत्या केली. उपनगर सिंधी कॉलनी येथील मनोज तिजू विठनकर्म (५०) यांनी गुरुवारी रात्री साडेअकराच्या पूर्वी राहत्या घरी लोखंडी पायपाला गळफास घेऊन आत्महत्या केली. तर जेतवननगर येथील धनिनाथ कचरू शिंदे (७१) यांनी गुरुवारी रात्री नऊ वाजेच्या पूर्वी झोपडीतील अडगईच्या लाकडाला दोरी बांधून गळफास घेऊन आत्महत्या केली. दोन्हीही आत्महत्यांचे निश्चित कारण समजू शकलेले नसून या प्रकरणी उपनगर पोलीस ठाण्यात अकस्मात मृत्यूची नोंद करण्यात आली आहे.

------

मोबाइल हिसकावून पळ

नाशिक रोड : संगमनेर विद्यानगर येथील युवक रोहन प्रकाश जाधव हा गेल्या गुरुवारी रात्री नऊ वाजेच्या सुमारास डॉ. बाबासाहेब आंबेडकर रोडने बस स्थानकाच्या दिशेने जात असताना अज्ञात चोरट्याने त्याच्या हातातील १० हजार रुपये किमतीचा मोबाइल ओढून नेला. या प्रकरणी नाशिक रोड पोलीस ठाण्यात गुन्हा दाखल करण्यात आला आहे.