घोटी-सिन्नर महामार्गावर अपघातात दोन ठार

अपघाताचे वृत्त समजताच परिसरातील ग्रामस्थांनी घटनास्थळी धाव घेऊन कारमध्ये अडकलेल्या जखमींना बाहेर काढले. जखमींना तात्काळ एसएमबीटी रुग्णालयात हलविण्यात आले. याबाबत पोलीस सूत्रांनी दिलेल्या माहितीनुसार, गुरुवारी दुपारी दोनच्या सुमारास अल्टो कार (क्र एमएच १५ / एफएन २१९९) ही घोटीहून सिन्नरच्या दिशेने जात असताना तसेच मोबिलिओ कार (क्र. एमएच ०४/एआर २११३) ही घोटीच्या दिशेने येत असताना बेलगाव तऱ्हाळे शिवारात त्यांचा समोरासमोर अपघात झाला. हा अपघात इतका भीषण होता की, अल्टो कारचे मोठ्या प्रमाणात नुकसान झाले. या अपघातात अल्टो कारमधील सुनील विठोबा गाडेकर (वय ३६, रा ठाणगाव सिन्नर) तसेच तनिष्क संपत जाधव (१२, रा. घोटी) या दोघांचा मृत्यू झाला, तर कारचालक संपत रामकृष्ण जाधव (रा. घोटी) हे गंभीर जखमी झाले आहेत. तसेच दुसऱ्या मोबिलिओ कारमधील कल्याण येथील पाचजण जखमी असून त्यांना जवळच्या एसएमबीटी रुग्णालयात दाखल करण्यात आले होते.

अपघाताचे वृत्त समजताच घोटी पोलीस ठाण्याचे सहायक निरीक्षक जालिंदर पळे यांच्या मार्गदर्शनाखाली पोलीस हवालदार सुहास गोसावी, बस्ते, भोये आदींनी घटनास्थळी धाव घेऊन अपघाताचा पंचनामा केला. याबाबत घोटी पोलीस ठाण्यात अपघाताचा गुन्हा दाखल करण्यात आला आहे.

फोटो- २० घोटी ॲक्सिडेंट

200821\20nsk_15_20082021_13.jpg

फोटो- २० घोटी ॲक्सीडेंट