कुलकर्णी उद्यानापासून दुचाकी गायब

-----

म्हसरूळला वाहनतळातून दुचाकीचोरी

नाशिक : म्हसरूळ येथील समृध्द कॉलनीमधील सिल्वर स्टार सोसायटीच्या वाहनतळात हॅन्डल लॉक करून उभी केलेली दुचाकी (एम.एच.१५बीपी ८१८८) अज्ञात चोरट्यांनी चोरी करत पोबारा केला. या प्रकरणी राहुल बबन आव्हाड (२९) यांनी दिलेल्या फिर्यादीनुसाार म्हसरूळ पाेलिसांनी अज्ञात चोरट्याविरुद्ध गुन्हा दाखल केला आहे. नागरिकांच्या राहत्या घरापासून वाहने चोरी होत असल्याने, पोलिसांच्या गस्तीविषयीही प्रश्नचिन्ह उपस्थित होत आहे.

----

शंकरनगरला सोसायटीमधून कार लांबविली

नाशिक : टाकळी रोडवरील शंकरनगर भागातील शितल को-ऑप.हौसिंग सोसायटीच्या आवारातून अज्ञात चोरट्यांनी सुमारे एक लाख रुपये किमतीची मारुती इको कार (एम.एच१५ सीटी४१९५) अज्ञात चोरट्यांनी लांबविल्याची घटना घडली. या प्रकरणी कारमालक प्रवीण विठ्ठल खलाणे यांनी दिलेल्या फिर्यादीवरून भद्रकाली पोलिसांनी अज्ञात चोरट्याविरुद्ध गुन्हा दाखल केला आहे.

---

मखमलाबादला घरफोडीत ६३ हजारांचे दागिने गायब

नाशिक : मखमलाबाद येथील शांतीनगर परिसरातील रामकृष्णनगरमध्ये राहणारे भीमराव भिकाजी भडांगे यांच्या बंद घराचा कडी-कोयंड अज्ञात चोरट्यांनी तोडून, मुख्य दरवाजाने घरात प्रवेश करत सुमारे ६३ हजारांचा दागिने लुटून पोबारा केल्याची घटना घडली. या प्रकरणी भडांगे यांनी दिलेल्या फिर्यादीनुसार म्हसरूळ पोलिसांची चोरट्यांविरुद्ध गुन्हा दाखल केला आहे.

----

आळंदी कालव्यात आढळला मृतदेह

नाशिक : म्हसरूळ शिवारातील लोहकरे मळ्याच्या परिसरातून जाणाऱ्या आळंदी कालव्यात एका अनोळखी पुरुषाचा मृतदेह कुजलेल्या अवस्थेत पाण्यावर तरंगताना आढळून आला. या मृतदेहाची ओळख पटू शकली नसून, या प्रकरणी म्हसरुळ पोलिसांनी आकस्मिक मृत्यूची नोंद केली आहे.