सटाणा नाका भागातून दुचाकी लंपास

-------------

कलाकाराचा विनयभंग करणाऱ्याविरुद्ध गुन्हा

मालेगाव : येथील टिपडे कॉलनीत वेबसिरीजसाठी आलेल्या पुणे येथील महिला कलाकाराचा विनयभंग करणाऱ्या नितीन भावसार व त्यांची पत्नी हर्षदा भावसार, श्रेया कुलकर्णी यांच्या विरुद्ध कॅम्प पोलीस ठाण्यात गुन्हा दाखल करण्यात आला आहे. याप्रकरणी पीडित महिलेने फिर्याद दिली आहे. वेबसिरीजच्या शुटिंगच्या दरम्यान नितीन भावसार यांनी विनयभंग केला. तसेच हर्षदा भावसार व श्रेया कुलकर्णी यांनी मारहाण करून शिवीगाळ केल्याचे फिर्यादीत म्हटले आहे. पुढील तपास पोलीस निरीक्षक सी. बी. पाटील हे करीत आहेत.

----------------------------

अल्पवयीन मुलींना पळवले, गुन्हा दाखल

मालेगाव : येथील चाळीसगाव फाटा परिसरातील झाेपडपट्टी भागातून अल्पवयीन मुलींना पळवून नेणाऱ्या चौघा जणांविरुद्ध तालुका पोलीस ठाण्यात गुन्हा दाखल करण्यात आला आहे. याप्रकरणी सुनंदा लक्ष्मण भोसले या महिलेने फिर्याद दिली आहे. त्यांच्या दोन्ही अल्पवयीन मुलींना दीपू दीपकभाई पवार, करिष्मा दीपक पवार, सन्नप्पा पवार, लिली पाटील यांनी पळवून नेल्याचे फिर्यादीत म्हटले आहे. पुढील तपास पोलीस उपनिरीक्षक पाटील हे करीत आहेत.

----

आग्रा रोडवरून दुचाकी लंपास

मालेगाव : येथील जुना आग्रा रोडवरून चोरट्याने २० हजार रुपये किमतीची दुचाकी चोरून नेली आहे. याप्रकरणी महेंद्र वसंत अहिरे यांनी फिर्याद दिली आहे. त्यांच्या मालकीची दुचाकी (क्रमांक एमएच ४१ वाय २९०८) ही अज्ञात चोरट्याने चोरून नेली. पुढील तपास उपनिरीक्षक पाटील हे करीत आहेत.