अपघातात दोन महिला ठार

पिंपळगाव बसवंत : दावचवाडी शिवारात दुचाकीला ट्रकची धडक

पिंपळगाव बसवंत : पिंपळगाव बसवंत निफाड रोडवर दावचवाडी शिवारात अपघातात दोन महिला ठार झाल्या.
पिंपळगाव बसवंत येथील सरस्वती द्वारकानाथ कलंत्री (५२) व सुरेखा संतोष मुंदडा (४५) या दोघी मैत्रिणी मंगळी चतुर्थी असल्याने नांदुर्डी येथील गणपतीचे दर्शन घेऊन अ‍ॅक्टिवाने (क्र. एमएच १५, सीक्यू-५२८२) पिंपळगाव बसवंतला येत होते. दावचवाडी येथील जाधव रेसिडेंटसमोर मागून येणारा टेम्पो (एमसीयू ४७३६) याने धडक दिल्याने दोन्ही महिलांचा मृत्यू झाला असून, निफाड पिंपळगाव बसवंत रस्त्याची झालेली अवस्थामुळे या महिलांचा जीव गमावला गेला असून, या प्रकाराने संतप्त नागरिकांनी टेम्पोचे नुकसान करून जाळण्याचा प्रयत्न केला; मात्र पोलिसांनी हस्तक्षेप करून संभाव्य घटना टाळली असून, या महिलांच्या मृत्यूने पिंपळगाव बसवंत येथे हळहळ व्यक्त होत असून, दोन्ही महिलांच्या कुटुंबीयांनी मरणोत्तर डोळे दान करण्याचा निर्णय घेतला. पिंपळगाव बसवंतचे प्रसिद्ध कापड व्यापारी संतोष मुंदडा व अ‍ॅड. द्वारकानाथ कलंत्री यांच्या त्या पत्नी होत्या. (वार्ताहर)