झाडावर दुचाकी आदळून दोघा युवकांचा मृत्यू

झाडावर दुचाकी आदळून दोघा युवकांचा मृत्यू

नाशिकरोड : दुचाकीवरून जात असताना समोर असलेल्या एका झाडावर दुचाकी आदळल्याने या अपघातात देवळाली कॅम्प लॅमरोड भागातील दोघा युवकांचा मृत्यू झाला असून, याबाबत उपनगर पोलीस ठाण्यात अपघाताची नोंद करण्यात आली आहे.
उपनगर पोलिसांनी दिलेल्या माहितीनुसार लॅमरोड भागातील वंदन दिनेश शेटे (वय २१, रा. दस्तगीर बाबा मार्ग, निरछाया अपा.), कृष्ण राजेंद्र काळे (वय २२, रा. सहा नंबर नाका, गिरीजा अपा.) हे दोघे युवक त्यांच्या दुचाकीवरून रात्रीच्या दरम्यान अशोका मार्गाने नाशिककडे जात असताना या मार्गावरील नारळाची बाग समोर त्यांची दुचाकी एका नारळाच्या झाडावर जाऊन आदळल्याने या अपघातात दोघांनाही जबर मार लागल्याने त्यांना उपचारार्थ जिल्हा रुग्णालयात दाखल करण्यात आले असता उपचारादरम्यान या दोघाही युवकांचा मृत्यू झाल्याचे डॉक्टरांनी घोषित केले. या घटनेमुळे परिसरात हळहळ व्यक्त करण्यात येत असून, पोलिसांनी अपघाताचा गुन्हा दाखल केला आहे. (प्रतिनिधी)