दागिने पॉलीश करून देण्याच्या बहाण्याने दागिन्यांवर डल्ला

-----

राहत्या घराजवळ महिलेची सोनसाखळी ओढली

नाशिक : सामनगाव रोडवर राहणाऱ्या एका पादचारी महिलेच्या गळ्यातील सोनसाखळी दुचाकीने आलेल्या चोरट्यांनी बळजबरीने हिसकावून नेल्याची घटना शनिवारी (दि.१३) संध्याकाळच्या सुमारास घडली. याप्रकरणी अज्ञात चोरट्यांविरुध्द नाशिकरोड पोलीस ठाण्यात गुन्हा दाखल करण्यात आला आहे. चंद्रभागा तानाजी भोर (रा. सामनगाव रोड) या शनिवारी (दि. १३) सायंकाळी सहा वाजेच्या सुमारास त्यांच्या राहत्या घराजवळच फेरफटका मारत होत्या. यावेळी काळ्या रंगाच्या दुचाकीने त्यांच्याजवळ भरधाव आलेल्या दोघा चोरट्यांपैकी पाठीमागे बसलेल्या एकाने भोर यांच्या गळ्यातील सोनसाखळी हिसकावली.

--------

गळफास घेत तरुणाची आत्महत्या

नाशिक : राहत्या घराच्या छताला असलेल्या लोखंडी ॲन्गलला दोरीच्या साहाय्याने गळफास घेत एका १८ वर्षीय तरुणाने आत्महत्या केली. केशवबहादूर दलबहादूर थापा (रा. शाही कारखाना, दे. कॅम्प) असे आत्महत्या केलेल्या तरुणाचे नाव आहे. केशवबहादूरची आई त्यास सकाळी झोपेतून उठवण्यासाठी गेली असता त्याने छताच्या लोखंडी अ‍ॅगलला दोरीने गळफास घेतल्याचे आढळून आले. तरुणाच्या आत्महत्येमागील कारण समजू शकलेले नाही. याप्रकरणी देवळाली कॅम्प पोलीस ठाण्यात अकस्मात मृत्यूची नोंद करण्यात आली आहे.