दारूच्या नशेत पतीकडून पत्नीवर अनैसर्गिक अत्याचार

दारूच्या नशेत पत्नीला बेदम मारहाण करून तिला शिवीगाळ करत मोबाइलवर अश्लील व्हिडिओ दाखवत त्या व्हिडिओमध्ये दाखविल्याप्रमाणे शारीरिकसंबंधाची अनैसर्गिक क्रिया करण्यासाठी बळजबरी पतीने केल्याची घटना घडली.

पंचवटी : दारूच्या नशेत पत्नीला बेदम मारहाण करून तिला शिवीगाळ करत मोबाइलवर अश्लील व्हिडिओ दाखवत त्या व्हिडिओमध्ये दाखविल्याप्रमाणे शारीरिकसंबंधाची अनैसर्गिक क्रिया करण्यासाठी बळजबरी पतीने केल्याची घटना घडली. याप्रकरणी पत्नीच्या फिर्यादीवरुन पोलिसांनी संशयित पतीविरुद्ध गुन्हा दाखल केला आहे.

ऑगस्ट २०२१ पासून ते ९ मार्च २०२२ पर्यंत संशयित मद्यपी पतीने दिवस रात्र मद्याच्या नशेत घरी येत पत्नीला बेदम मारहाण केली. तसेच मोबाइल फोनवर अश्लील व्हिडिओ दाखवून बळजबरीने तिच्यावर वारंवार अनैसर्गिक कृत्य केले. तसेच पीडित पत्नीने त्यास विरोध केला असता तिला बेदम मारहाण करून शिवीगाळ केली असे फिर्यादीत म्हटले आहे. याबाबत पुढील तपास म्हसरूळ पोलीस करीत आहेत.