डांगसौदाणे ग्रामपंचायतीच्या उपसरपंचपदी वैशाली बधान

डांगसौंदाणे : येथील ग्रामपंचायतीच्या उपसरपंचपदी वैशाली पंकज बधान यांची बिनविरोध निवड करण्यात आली आहे.

ठळक मुद्देआवर्तनानुसार राजीनामा दिल्याने त्यांच्या रिक्त झालेल्या जागेवर उपसरपंचपदी निवड

डांगसौंदाणे : येथील ग्रामपंचायतीच्या उपसरपंचपदी वैशाली पंकज बधान यांची बिनविरोध निवड करण्यात आली आहे.
येथील ग्रामपंचायतीवर संजय सोनवणे यांच्या जलदुर्गा पॅनलचे वर्चस्व असून, उपसरपंच विजय सोनवणे यांनी आवर्तनानुसार राजीनामा दिल्याने त्यांच्या रिक्त झालेल्या जागेवर उपसरपंचपदी निवड करण्यासाठी सरपंच जिजाबाई पवार यांच्या अध्यक्षतेखाली ग्रामपंचायत कार्यालयात बैठक बोलविण्यात आली होती. यावेळी उपसरपंच पदासाठी वैशाली बधान यांचा एकमेव अर्ज आल्याने त्यांची उपसरपंचपदी बिनविरोध निवड करण्यात आली. सरपंच जिजाबाई पवार यांच्या हस्ते नविनर्वाचित उपसरपंच वैशाली बधान यांचा सत्कार करण्यात आला.
येथील ग्रामपंचायतीच्या पंचवार्षिक निवडणूकीत संजय सोनवणे यांच्या जलदुर्गा पॅनलने दहा पैकी सात जागा जिंकून निर्विवाद वर्चस्व मिळविले असून, यावेळी सर्व सदस्याशी चर्चा करु न उपसरपंच पदासाठी वैशाली बधान यांच्या नावावर सर्वाचे एकमत झाल्याने सोनवणे यांचा अर्ज दाखल करण्यात आला. त्यांना सुचक म्हणून सुशिल सोनवणे तर अनुमोदक म्हणून विजय सोनवणे यांनी स्वाक्षरी केली. विहित वेळेत बधान यांचा एकमेव अर्ज दाखल झाल्याने त्यांची उपसरपंचपदी एकमताने निवड करण्यात आल्याची घोषणा निवडणुक निर्णय अधिकारी संदीप भामरे यांनी केली.
यावेळी ग्रामपंचायत सदस्य विजय सोनवणे, सुशिल सोनवणे, यशोदा सोनवणे, लता वाघ, वत्सला पवार, रामदास पवार, डोंगर माळी, पमा सोनवणे, धाकु मोरे आदी हजर होते.