शिवजयंतीनिमित्त आज विविध कार्यक्रम

शिवजयंतीनिमित्त आज विविध कार्यक्रम

 सिन्नर : छत्रपती शिवाजी महाराज यांच्या ३८६ व्या जयंतीनिमित्त शहर व तालुक्यात विविध कार्यक्रमांचे आयोजन करण्यात आले आहे. शिवपुुतळ्यास अभिषेक, भव्य मिरवणुका आदिंसह विविध कार्यक्रम पार पडणार आहेत.
व्ही. राजे गु्रपची भव्य मिरवणूक
माजी नगराध्यक्ष विठ्ठल उगले यांच्या व्ही. राजे गु्रपच्या वतीने शिवजयंती उत्सव साजरा केला जाणार आहे. यानिमित्ताने शहरातून भव्य मिरवणुकीचे आयोजन करण्यात आले आहे. आडवा फाटा येथील व्ही. राजे गु्रपच्या कार्यालयापासून दुपारी ३ वाजता मिरवणुकीस प्रारंभ केला जाणार आहे. रावळ बंधू यांचा रावळ आखाड्यातील कलावंतांचे चित्तथरारक दांडपट्टा, तलवारबाजी, लाठीयुद्ध यांची प्रात्यक्षिके मिरवणुकीत सादर केली जाणार आहेत.
ज्येष्ठ नागरिक संघ
येवला : येथील श्रीराम ज्येष्ठ नागरिक संघाचा शुक्रवारी (दि. १९) तृतीय वर्धापन दिन व शिवजयंती साजरी करण्यात येणार आहे. लोकशाहीर अण्णा भाऊ साठे वाचनालयामध्ये हा कार्यक्रम होणार आहे.
विविध कार्यक्रम
चांदवड : येथील नगरपरिषदेत शुक्रवारी सकाळी ९ वाजता छत्रपती शिवाजी महाराजांच्या पुतळ्याचे पूजन उपनगराध्यक्ष कविता संदीप उगले यांच्या हस्ते होणार असल्याची माहिती नगराध्यक्ष भूषण कासलीवाल यांनी दिली. (वार्ताहर)