वाखारीच्या डॉक्टरची रेल्वेखाली आत्महत्या

वाखारी येथील डाॅ. नारायण महारू सागर (वय ६५) यांनी शुक्रवारी (दि २७) नांदगाव उड्डाणपुलाजवळील लोहमार्गावर धावत्या मालगाडीखाली आत्महत्या केली.

नांदगांव : वाखारी येथील डाॅ. नारायण महारू सागर (वय ६५) यांनी शुक्रवारी (दि २७) नांदगाव उड्डाणपुलाजवळील लोहमार्गावर धावत्या मालगाडीखाली आत्महत्या केली.

टॅक्सीचालक भाऊसाहेब सोनवणे, सागर पाटील यांनी जखमी अवस्थेत सागर यांना ग्रामीण रुग्णालयात उपचारासाठी दाखल केले. मात्र, उपचारादरम्यान त्यांची प्राणज्योत मालवली. रेल्वे पोलीस सूत्रांकडून मिळालेल्या माहितीनुसार, सकाळी ९.३० वाजता ही घटना घडली. डाॅ. सागर यांनी लोहमार्गालगत दुचाकी उभी करून ते उड्डाणपुलाखाली जाऊन बसले. पेट्रोलिंगवर असलेल्या रेल्वे सुरक्षाबलाच्या जवानाने त्यांना हटकले. त्यानंतर एका मालगाडीखाली झोकून देत त्यांनी आत्महत्या केली. आत्महत्येचे कारण समजू शकले नाही. या

घटनेचा नांदगाव रेल्वे पोलिसांनी पंचनामा करून शवविच्छेदनानंतर मृतदेह नातेवाइकाच्या ताब्यात देण्यात आला. दुपारी ३.३० वाजता वाखारी (ता. नांदगाव) येथे त्यांच्यावर अंत्यसंस्कार करण्यात आले. त्यांच्या पश्चात पत्नी, भाऊ, मुलगा, मुलगी असा परिवार आहे.