आज शहरातील पाणीपुरवठा बंद

मुकणे धरणातून महापालिकेसाठी पाणी उचलण्यासाठी पंपिंग स्टेशनला गोंदे येथील रेमंड सबस्टेशनमधून वीजपुरवठा घेण्यात आलेला आहे. या सबस्टेशनमध्ये ब्रेकर उभारणीसाठी शनिवारी सकाळी १० ते दुपारी ४ वाजेपावेतो महावितरण कंपनीकडून वीजपुरवठा बंद ठेवण्यात येणार आहे. मनपाचे विल्होळी जलशुद्धीकरण केंद्र (मुकणे प्रकल्प) येथून होणारा पाणीपुरवठा करणे शक्य होणार नसल्याने नवीन नाशिकमधील प्रभाग क्र. २४, २५, २६, २२ भागश: व २७, २८, २९, ३१ या संपूर्ण प्रभागांचा तसेच नाशिक पूर्वमधील प्रभाग क्र. १४, १५, २३, ३० भागश: या प्रभागांमध्ये (सकाळ व सायंकाळचा) संपूर्ण दिवसभर पाणीपुरवठा होणार नाही, तसेच रविवार (दि. ३) रोजी पाणीपुरवठा कमी दाबाने होईल, याची दखल नागरिकांनी घ्यावी, असे आवाहन महापालिकेने केले आहे.