पती जेलमध्ये असताना पत्नीवर नातलगाकडूच बलात्कार

नाशिक : भद्रकाली परिसरातील एका संशयिताने जेलमध्ये असलेल्या नातलगाच्या पत्नीवरच बलात्कार केल्याती घटना समोर आली आहे. संशयिताने पती जेलमध्ये असल्याचा गैरफायदा घेत महिलेच्या खोलीत जाऊन तिच्यावर बलात्कार करून घडलेल्या प्रसंगाविषयी कोणाला सांगितले तर जीवे ठार मारण्याची धमकी दिल्याचा धक्कादायक प्रकार घडला आहे.

पोलिसांनी दिलेल्या माहितीनुसार, पिडित महिलेने तिचा पती जेलमध्ये असताना नात्यातील व्यक्तीनेच बलात्कार केल्याचा आरोप करीत हारून अब्दुला खान (रा. भद्रकाली) विरोधात फिर्याद दाखल केली आहे. त्यानुसार पोलिसांनी संशयित हारून अब्दुला खान विरोधात गुन्हा दाखल करण्यात आला असून संशयिताने ३ जून २०२० रोजी पिडित महिलेचा पती जेलमध्ये असताना तिच्या खोलीत जावून तिच्यावर बलात्कार केला,तसेच या घटनेची वाच्यता केल्यास जीवे ठार मारण्याची धमकी दिली. त्यामुळे पिडितेने मालेगाव येथील पवारवाडी पोलीस ठाण्यात दिलेल्या तक्रारीवरून ८ जानेवारी २०२१ रोजी गुन्हा दाखल करण्यात आला. मात्र, ही घटना भद्रकाली पोलीस ठाण्याच्या हद्दीत घडलेली असल्याने संबधित गुन्हा भद्रकाली पोलीस ठाण्यात वर्ग करण्यात आला आल्याची माहिती पोलिसांनी दिली,