आट्यापाट्या जिल्हा स्पर्धेत चौव्हाण गर्ल्सचे संघ विजेते

नाशिकरोड : नाशिक जिल्हा क्रीडा अधिकारी व जिल्हा क्रीडा परिषद नाशिक यांच्या वतीने शालेय आट्यापाट्याच्या जिल्हास्तरीय स्पर्धेत र.ज. चौव्हाण गर्ल्स हायस्कुलच्या विद्यार्थिनींच्या १४ व १७ वर्षाच्या दोन्ही संघाने विजेतेपद पटकविले.

ठळक मुद्देदोन्ही संघांची जळगाव येथे होणाऱ्या विभागीय क्रीडा स्पर्धेसाठी निवड झाली आहे.

नाशिकरोड : नाशिक जिल्हा क्रीडा अधिकारी व जिल्हा क्रीडा परिषद नाशिक यांच्या वतीने शालेय आट्यापाट्याच्या जिल्हास्तरीय स्पर्धेत र.ज. चौव्हाण गर्ल्स हायस्कुलच्या विद्यार्थिनींच्या १४ व १७ वर्षाच्या दोन्ही संघाने विजेतेपद पटकविले.
गोविंदनगर येथील सहजयोग ध्यान केंद्राच्या मैदानावर झालेल्या जिल्हास्तरीय आट्यापाट्याच्या क्रीडा स्पर्धेत र.ज. चौव्हाण बिटको गर्ल्स हायस्कुलच्या १४ व १७ वर्ष वयोगटाच्या मुलींच्या दोन्ही संघाने विजेतेपद मिळविले. दोन्ही संघांची जळगाव येथे होणाऱ्या विभागीय क्रीडा स्पर्धेसाठी निवड झाली आहे.
तसेच विभागीय कॅरम स्पर्धेत १७ वर्ष गटात गौरी शिंदे तर किक बॉक्सिंग स्पर्धेत समृद्धी नागरे व सृष्टी डबे यांनी सुयश प्राप्त केले. त्यांची राज्यस्तरीय स्पर्धेसाठी निवड झाली आहे. विजयी खेळाडूंचे मुख्याध्यापिका संजीवनी धामणे, शालेय समिती अध्यक्षा सुषमा भानगांवकर, उपमुख्याध्यापक सुरेश दीक्षित, पर्यवेक्षक माधव मुठाळ, प्रतिभा खैरनार आदिंनी अभिनंदन केले आहे. खेळाडूंना क्रीडा शिक्षक प्रद्युम्न जोशी, कैलास आरोटे, जयश्री उदार यांचे मार्गदर्शन लाभले.