महिलेची पर्स हिसकावली

नाशिक : पावसामुळे रस्त्याच्या कडेला दुचाकी उभी करून पाऊस थांबण्याची प्रतीक्षा करत असलेल्या एका महिलेची पर्स चोरट्याने हिसकावून पळ काढल्याची घटना तारवाला-नगरजवळ तलाठी कॉलनी चौफुलीवर घडली. याप्रकरणी नवनीत कौर परिमजत सिंग हुन्दल (रा. हिरावाडी रोड) यांनी पोलिसांत तक्रार दिली आहे. पाऊस आला म्हणून नवनीत कौर या तलाठी कॉलनी चौफुलीजवळ रोडलगट स्कूटी उभी करून रेनकोट घालण्यासाठी झाडाखाली गेल्या होत्या. यावेळी तारवालानगर सिग्नल बाजूकडून मोटारसायकलवर आलेल्या व्यक्तीने त्यांच्या गाडीचे हॅन्डलला लटकवलेली पर्स पळवून नेली. यामध्ये मोबाइल व रोकड होती. याप्रकरणी पंचवटी पोलीस ठाण्यात गुन्हा दाखल करण्यात आला आहे.
रिक्षा, दुचाकीची चोरी
नाशिक : शहरात वाहन चोरीचे सत्र सुरू असून, विविध घटनांमध्ये एक रिक्षा व एक दुचाकी चोरीला गेल्याचे प्रकार उघडकीस आले.
यशवंत महाराज पटागंण परिसरातून रिक्षा चोरीला गेल्याची घटना घडली आहे. याप्रकरणी दिनेश निकम (४४, रा. सिंहस्थनगर, अंबड पोलीस स्टेशनजवळ, नवीन नाशिक) यांनी पंचवटी पोलीस ठाण्यात तक्र ार दिली आहे.


निकम यांनी त्यांची रिक्षा (एमएच 15 झेड 9528) यशवंत महाराज पटागंण परिसरात उभी केली होती. चोरट्याने ही रिक्षा चोरून नेली. तर दुसर्या घटनेत घराच्या पार्किंगमध्ये उभी केलेली मोटारसायकल चोरट्याने नेल्याची घटना जायभावेनगर, पाथर्डी फाटा परिसरात घडली. याप्रकरणी सुंदर लखीराम शर्मा (रा. ओम हाईट्स प्लॅट नं. 13, जायभावेनगर) यांनी इंदिरानगर पोलीस ठाण्यात फिर्याद दिली आहे. 22 आॅगस्ट रोजी शर्मा यांनी त्यांची मोटारसायकल घराच्या पार्किंगमध्ये उभी केली होती. तेथून चोरट्याने ही मोटारसायकल चोरून नेली.