झाडावर दुचाकी आदळून युवक ठार

---

चोरट्यांनी दोन दुचाकी केल्या लंपास

नाशिक : शहर व परिसरातून दुचाकी चोरी होण्याचे सत्र सुरूच आहे. अज्ञात चोरट्यांनी पंचशीलनगर येथून १० हजारांची स्प्लेंडर दुचाकी (एमएच १५ सीडब्ल्यू ७०५४) लंपास केल्याची घटना घडली. याप्रकरणी समाधान प्रकाश मोरे (३०,रा.पंचशीलनगर, गंजमाळ) यांनी भद्रकाली पोलीस ठाण्यात तक्रार दिली आहे. चोराविरुध्द पोलिसांनी गुन्हा दाखल केला आहे. दुसऱ्या घटनेत मुंबईनाका भागातील स्नेहकार अपार्टमेंटच्या वाहनतळात उभी केलेली ३० हजार रुपये किमतीची होंडा युनिकॉर्न (एमएच १९-एएम९१५८) दुचाकी अज्ञात चोरट्यांनी गायब केली. याप्रकरणी अभिराज अजय मेणे (२८) यांनी दिलेल्या तक्रारीवरून मुंबईनाका पोलीस ठाण्यात गुन्हा दाखल करण्यात आला.

-----

चिंचेच्या झाडावरून कोसळून एक ठार

नाशिक : उंटवाडी पुलाजवळील नंदिनी नदीच्या काठालगत खाऊगल्लीला लागून असलेल्या एका चिंचेच्या झाडावरून तोल जाऊन राधाकृष्ण अय्यर (४५) खाली कोसळले. त्यामुळे परिसरातील नागरिकांनी तत्काळ त्यांना जखमी अवस्थेत जिल्हा शासकीय रुग्णालयात उपचारार्थ दाखल करण्यात आले; मात्र उपचार सुरू असताना राधाकृष्ण यांना डॉक्टरांनी तपासून मयत घोषित केले. याप्रकरणी गंगापूर पोलीस ठाण्यात अकस्मात मृत्यूची नोंद करण्यात आली आहे.

----