बाप रे! स्टार जातीचे तब्बल 1125 कासव अन् 842 किलो गांजा जप्त

आंध्र प्रदेशमधील विजयवाडा येथे महसल विभागाच्या अधिकाऱ्यांनी धाड टाकून तब्बल 842 किलो गांजा जप्त केला आहे. याप्रकरणी दोघांना अटक करण्यात आली असून त्यांची चौकशी सुरू आहे.

हैदराबाद - आंध्र प्रदेशमधील विजयवाडा येथे महसल विभागाच्या अधिकाऱ्यांनी धाड टाकून तब्बल 842 किलो गांजा जप्त केला आहे. याप्रकरणी दोघांना अटक करण्यात आली असून त्यांची चौकशी सुरू आहे. तर वायजॅक रेल्वे स्थानकावरुन 1125 स्टार जातीचे भारतीय कासव जप्त करण्यात आले आहेत. याप्रकरणी तिघांना अटक केली आहे. 

आंध्र प्रदेशातील विजयवाडा आणि वायजॅक येथे दोन वेगवेगळ्या घटनेत 5 जणांना पोलिसांनी अटक केली. महसूल गुप्तचर संचालनालयातील अधिकाऱ्यांनी ही कारवाई केली. त्यामध्ये विजयवाडा येथून दोघांना अटक करण्यात आली असून त्यांच्याकडून तब्बल 842.72 किलो गांजा जप्त करण्यात आला आहे. या गांजाची बाजारातील किंमत 1 कोटी 26 लाख 40 हजार एवढी आहे. तर वायजॅक येथून कासवांची तस्करी करणाऱ्या तिघांना ताब्यात घेण्यात आले. या तस्करांकडून 1125 स्टार प्रजातीचे भारतीय कासव जप्त करण्यात आले आहेत. याप्रकरणी पोलिसांकडून आरोपींची सखोल चौकशी करण्यात येत आहे. दरम्यान, विदेशात या कासवांची तस्करी करण्याचा डाव असल्याचा पोलिसांचा प्राथमिक अंदाज आहे.