स्पाईसजेटचे १२ प्रवासी टर्ब्युलन्समुळे गंभीर जखमी; लँडिगदरम्यान दुर्घटना

विमान लँड होताच जखमी प्रवाशांना देण्यात आले वैद्यकीय उपचार; स्पाईसजेटकडून दिलगिरी व्यक्त

मुंबई: स्पाईसजेटचे १२ प्रवासी विमान प्रवासादरम्यान जखमी झाले आहेत. मुंबईहून उड्डाण केलेलं विमान दुर्गापूरच्या विमानतळावर उतरत असताना हा प्रकार घडला. टर्ब्युलन्सची तीव्रता अधिक असल्यानं १२ प्रवाशांना गंभीर इजा झाली आहे. 

स्पाईसजेटच्या ताफ्यातलं बोईंग ७३७ विमान मुंबईहून दुर्गापूरसाठी रवाना झालं. दुर्गापूरमध्ये विमान सुरक्षित उतरलं. मात्र लँडिंगदरम्यान टर्ब्युलन्समुळे १२ प्रवासी जखमी झाले. विमान लँड होताच त्यांना वैद्यकीय मदत देण्यात आली, अशी माहिती वरिष्ठ हवाई वाहतूक अधिकाऱ्यांनी दिली.

Today SpiceJet Boeing B737 aircraft operating flight SG-945 from Mumbai to Durgapur encountered severe turbulence during descent which unfortunately resulted in injuries to a few passengers. Immediate medical assistance was provided upon arrival in Durgapur: SpiceJet spokesperson pic.twitter.com/fJyG1ztghc

— ANI (@ANI) May 1, 2022

स्पाईसजेटच्या प्रवक्त्यांनी दिलेल्या माहितीनुसार, १ मे २०२२ रोजी स्पाईसजेटचं एसजी-९४५ क्रमांकाचं विमान मुंबईहून दुर्गापूरला जाण्यासाठी झेपावलं. लँड होताना टर्ब्युलन्समुळे काही प्रवासी जखमी झाले. त्यांना दुर्गापूरमध्ये तातडीनं वैद्यकीय सहाय्य देण्यात आलं. या घटनेबद्दल स्पाईसजेटकडून दिलगिरी व्यक्त करण्यात आली आहे.