१७ धरणे आंदोलन जोड
By admin | Published: December 18, 2014 12:40 AM2014-12-18T00:40:39+5:302014-12-18T00:40:39+5:30
१७ धरणे आंदोलन जोड
Next
>पुरोगामी शिक्षक संघटना नागपूर : महाराष्ट्र राज्यासाठी स्वतंत्र आर.टी.ई. (राईट टू एज्युकेशन) कायदा लागू करावा, शिक्षण क्षेत्र अत्यावश्यक सेवेत येत नसल्याने शिक्षकांना मुख्यालयी राहण्याची अट नसावी यासह इतर मागण्यांसाठी महाराष्ट्र पुरोगामी प्राथमिक शिक्षक संघटनेच्या वतीने हिवाळी अधिवेशनानिमित्त धरणे आंदोलन करण्यात येत आहे.प्रमुख मागण्या : निवडणूक आचारसंहिता व न्यायालय स्थगिती आदी कारणांमुळे रखडलेले २०१३ चे समायोजन सप्टेंबर २०१४ च्या शिक्षक निश्चितीवर करण्यात यावे, स्वच्छतागृहाची स्वच्छता ठेवण्यासाठी शिपाई हे पद मंजूर करावे, बदल्यांसंदर्भातील धोरणात बदल करण्यात यावा, शालेय पोषण आहार यंत्रणेमधून मुख्याध्यापकांना पूर्णत: वगळण्यात यावे, गुणवत्ता विकास कार्यक्रम शासनस्तरावरून एकच व स्थायी स्वरुपाचा राबवावा, आरटीईनुसार राज्यभर कामाचे दिवस व सुट्यांचे दिवस समान असावे, सर्व पात्र शिक्षकांना निवडश्रेणी देण्यात यावी आदी मागण्यांचा समावेश आहे.नेतृत्व : संघटनेचे राज्य अध्यक्ष प्रसाद पाटील कार्यकर्ते : सतीश बानाईत, विजय भोगेकर, विनायक घटे, गंगाधर गंगनाळे, महादेव पेंढे, एकनाथ कराड, रवी शेंडे, निकेत हुमणे, दादाराम कागरे, बट्टलवाड यादव, मारुती सावंत, सुरेश लांजेवार, लालबहादुर काळबांडे, विजय सुरला, हेमंत वागदरकर, इसराईल पठाण, शैलेश बरडे, सुमन कोलगंटीवार आदी.राज्य शासकीय कर्मचारी महासंघनागपूर : बांधकाम, जलसंपदा, ग्रामविकास, पाणीपुरवठा विभागातील कर्मचाऱ्यांच्या प्रलंबित मागण्यांकडे लक्ष वेधण्यासाठी महाराष्ट्र राज्य शासकीय कर्मचारी महासंघाच्या वतीने हिवाळी अधिवेशनानिमित्त एक दिवसीय धरणे आंदोलन केले.प्रमुख मागण्या : लिपिक संवर्गातील कर्मचाऱ्यांचे पदनाम बदलविण्यात यावे, कमी केलेले पदे वाढवावी, सीईआरटी वरील कर्मचाऱ्यांना नियमित आस्थापनेवर नियुक्ती करावे, २००५ नंतर नव्याने रुजू झालेल्या कर्मचाऱ्यांना जुनी पेन्शन योजना लागू करावी, शासकीय कर्मचऱ्यांचा मतदारसंघ असावा आदी मागण्यांचा समावेश आहे. नेतृत्व : संघटनेचे सरचिटणीस सूर्यकांत इंगळे कार्यकर्ते : दिगांबर कोकरे, अनिल कुलकर्णी, नंदकुमार बिडीसकर, दिगांबर कांबळे, नंदकुमार साने, चंद्रशेखर जरोदे, अनंत मराठे, ज्ञानेश्वर आसरे, प्रमोद कावळे, नवनाथ कुचरे, प्रवीण जुमडे, सोनाजी काकडे, दिलीप कल्ले आदी.
