अंत्यविधीला निघालेल्या गाडीची ट्रकला जोरदार धडक, 18 जणांचा जागीच मृत्यू; अनेक गंभीर जखमी

मृतांमध्ये 10 पुरुष आणि एका चिमुकलीसह 8 महिलांचा समावेश.

कोलकाता:पश्चिम बंगालमधील नादिया जिल्ह्यात एक भीषण अपघात झाला आहे. या अपघातात आतापर्यंत 18 जणांचा मृत्यू झालाय तर 5 जण गंभीर जखमी आहेत. मीडिया रिपोर्ट्सनुसार, उत्तर 24 परगणामधील बगदा येथून 20 हून अधिक लोक मृतदेह घेऊन मॅटाडोरमधून नवद्वीप स्मशानभूमीकडे जात असताना शनिवारी ही घटना घडली. यादरम्यान, गाडी फुलबारी परिसरात रस्त्याच्या कडेला उभ्या असलेल्या ट्रकला धडकली. 

मिळालेल्या माहितीनुसार, या भीषण अपघातात वाहन चालकासह एकूण 18 जणांचा मृत्यू झाला. यापैकी 10 पुरुष आणि 7 महिला आहेत. मृतांमध्ये सहा वर्षांच्या मुलीचाही समावेश आहे. उत्तर 24 परगणा येथील बगदा पोलीस स्टेशन हद्दीतील परमदान भागात राहणारी वृद्ध महिला श्राबानी मुहुरी हिचा मृत्यू झाला होता, तिच्या अंत्यसंस्कारासाठी कुटुंब आणि शेजाऱ्यांसह 20 लोक मॅटाडोरमधून नवद्वीपला जात होते. दुपारी 2 वाजण्याच्या सुमारास नादियातील फुलबारी क्रीडांगणाजवळ उभ्या असलेल्या ट्रकच्या मागून मॅटाडोरने धडक दिली.

केंद्रीय गृहमंत्री अमित आणि पश्चिम बंगालच्या मुख्यमंत्री ममता बॅनर्जी यांनी या घटनेवर शोक व्यक्त केला आहे

पश्चिम बंगाल के नदिया जिले में हुई सड़क दुर्घटना अत्यंत दुःखद है। इसमें जान गँवाने वाले लोगों के परिजनों के प्रति अपनी संवेदना व्यक्त करता हूँ। ईश्वर उन्हें यह दुःख सहने की शक्ति दे। घायलों के शीघ्र ही स्वस्थ होने की कामना करता हूँ।

— Amit Shah (@AmitShah) November 28, 2021

 

Heartbroken to hear about the road accident in Nadia.

I offer my deepest condolences to the bereaved families and pray for the speedy recovery of those who were injured.

May God give them the strength to get past this difficult time. (1/2)

— Mamata Banerjee (@MamataOfficial) November 28, 2021

पोलिसांकडून प्रकरणाचा तपास सुरू
पोलीस अधिकाऱ्यांनी सांगितले की, दाट धुके आणि वाहनाचा वेग जास्त असल्याने हा अपघात झाला. अपघातातील सर्व जखमींना जवळच्या रुग्णालयात दाखल करण्यात आले आहे. घटनेची माहिती मिळताच मृताच्या नातेवाईकांना घटनेची माहिती देण्यात आली आहे. सध्या पोलिसांनी या प्रकरणाचा तपास सुरू केला आहे.