सीबीआयचे २८ अधिकारी पुरस्कृत

राष्ट्रपती प्रणव मुखर्जी यांनी सीबीआयच्या २८ अधिकाऱ्यांना उल्लेखनीय कामगिरीबद्दल राष्ट्रपती पोलीस पदक जाहीर केले आहे.

नवी दिल्ली : राष्ट्रपती प्रणव मुखर्जी यांनी सीबीआयच्या २८ अधिकाऱ्यांना उल्लेखनीय कामगिरीबद्दल राष्ट्रपती पोलीस पदक जाहीर केले आहे. यात २ जी, राष्ट्रकुल क्रीडा स्पर्धा घोटाळा, झारखंड राज्यसभा निवडणुकीतील घोडेबाजाराची चौकशी करणाऱ्या अधिकाऱ्यांचा समावेश आहे.
सीबीआयने जारी केलेल्या पत्रकानुसार ५ अधिकाऱ्यांना विशिष्ट सेवेसाठी राष्ट्रपती पोलीस पदक व इतर २३ अधिकाऱ्यांची पोलीस पदकासाठी निवड झाली आहे. यादीत बोकारो पोलाद प्रकल्पातील भ्रष्टाचार व सेल नियुक्त्यांमधील घोटाळयांसह अनेक बड्या प्रकरणांचा तपास करणारे तपास संस्थेचे संयुक्त संचालक अमरेंद्रकुमार सिंग आहेत. (लोकमत न्यूज नेटवर्क)